Inicio Pontevedra O MARCO inaugura a exposición 'Xosé Luis Otero. Atlas de soidade', cuarta...

O MARCO inaugura a exposición ‘Xosé Luis Otero. Atlas de soidade’, cuarta mostra individual da serie METRÓPOLE

O MARCO inaugura a exposición 'Xosé Luis Otero. Atlas de soidade', cuarta mostra individual da serie METRÓPOLEO Museo de Arte Contemporáneo de Vigo acolleu hoxe a presentación da exposición ‘XOSÉ LUÍS OTERO. Atlas de soidade, cuarta mostra individual da serie METRÓPOLE.

Acompañando ao artista estiveron presentes, Abel Caballero, alcalde de Vigo e presidente da Fundación MARCO, Rubén Martínez Alonso, comisario do ciclo Metrópole e Miguel Fernández-Cid, director do MARCO

O MARCO inaugura a exposición 'Xosé Luis Otero. Atlas de soidade', cuarta mostra individual da serie METRÓPOLE

Coa mostra de Xosé Luís Otero, a serie de exposicións METRÓPOLE chega á súa cuarta etapa. Este ciclo naceu cun dobre obxectivo: facer unha viaxe ao pasado, ao Vigo dos anos vinte, cando se estreou na cidade o filme de Fritz Lang Metropolis; e a un tempo ofrecer unha visión do panorama artístico galego actual. A proposta comprende unha serie de exposicións individuais, como visión do presente, e unha parte común a todas as mostras, como referencia do pasado.

O proxecto está concibido en dúas áreas claramente diferenciadas, tanto na montaxe coma en contidos, distribuídas nos espazos do primeiro andar. A correspondente ao pasado está representada por unhas salas nas que, a partir da referencia ou homenaxe ao filme Metropolis, se procura recrear o ambiente da cidade de Vigo nesas décadas iniciais do século XX, mediante planos e imaxes de arquitectura vangardista, fotografías e documentos de época, xunto a mobiliario, obxectos, vestiario e pezas decorativas de estilo art déco.

XOSÉ LUÍS OTERO. Atlas de soidade

A proposta de Xosé Luís Otero para a cuarta achega do ciclo METRÓPOLE. Perspectiva urbana da arte galega participa das dúas disciplinas clave na formación e posterior traxectoria do artista: a pictórica e a escultórica. Así, nas súas instalacións, a paisaxe, o xénero tradicional do que bota man na pintura protoabstracta dos seus comezos, vai cobrar unha nova dimensión, convertida xa en leitmotiv dun universo con dous polos: rural e urbano.

O MARCO inaugura a exposición 'Xosé Luis Otero. Atlas de soidade', cuarta mostra individual da serie METRÓPOLE

Cumprindo unha vez máis cos propósitos do ciclo METRÓPOLE, a exposición de Xosé Luís Otero inclúe unha selección de obras de nova produción baixo o título Atlas de soidade, pezas todas elas realizadas nos últimos meses especificamente para esta mostra e para este lugar, procurando así unha contextualización do conxunto en función das salas, dimensións, iluminación e posibilidades de deambulación no espazo, ao tempo que o material audiovisual achega ao público o proceso creativo.

O MARCO inaugura a exposición 'Xosé Luis Otero. Atlas de soidade', cuarta mostra individual da serie METRÓPOLE

A partir da seriación —método de traballo que a Otero lle permite explorar todas as posibilidades dunha mesma idea, sublimar esa proposta que contribúa a enriquecer, que engrandeza unha obra entendida como escolmado conxunto— o artista logra confeccionar o paisaxístico pano de fondo da súa propia traxectoria vital.

O MARCO inaugura a exposición 'Xosé Luis Otero. Atlas de soidade', cuarta mostra individual da serie METRÓPOLE

Sobre o artista

Xosé Luís Otero (Nocelo da Pena, Ourense, 1966) desenvolve a súa actividade artística dende principios dos anos noventa, expoñendo en numerosas mostras individuais e colectivas, ao tempo que participa tamén en importantes feiras de arte nacionais e internacionais. Un desenvolvemento creativo o seu, dentro do ámbito da pintura contemporánea, que é o resultado dun proceso de investigación no que experimenta con novos materiais e texturas, arredor sempre dun concepto ou idea principal, fonte de inspiración e motora. A súa obra foi seleccionada en destacados certames e bienais, recibindo bolsas e premios, ademais de figurar entre os fondos de relevantes coleccións públicas e privadas.

O MARCO inaugura a exposición 'Xosé Luis Otero. Atlas de soidade', cuarta mostra individual da serie METRÓPOLE

INFORMACIÓN E VISITAS GUIADAS

O persoal de salas está dispoñible para calquera consulta ou información relativa á exposición, ademais das visitas guiadas habituais:

Todos os días ás 18.00

Visitas ‘á carta’ para grupos, previa cita nos tel. 986 113900 / 986 113904

Datas: 14 xuño 2019 – 15 setembro 2019
Lugar: Salas de exposición do primeiro andar
Horario: martes a sábados (festivos incluidos) de 11.00 a 14.30 e de 17.00 a 21.00, domingos, de 11.00 a 14.30
- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies