Inicio Pontevedra O Galician Freaky Film Fest abre a inscrición de obras para a...

O Galician Freaky Film Fest abre a inscrición de obras para a súa terceira edición que chegará este outono

O Galician Freaky Film Fest abre a inscrición de obras para a súa terceira edición que chegará este outono
Miriam P Álvarez, Juan de Castro e o Home Elefante

O Galician Freaky Film Festival volve por terceiro ano a cidade de Vigo para enchela de cine de terror, ciencia ficción e fantasía con toques freaks e de serie B

O Galician Freaky Film Fest volverá cunha terceira edición (se contamos a primeira edición denominada 0) a cidade de Vigo coa intención de ateigala de zombies, vampiros, lobishomes e montar unha auténtica festa da cultura freak tan incorporada no ADN de toda a xeración Xabarín.

Para conseguilo, o certame lanza as súas bases de inscrición en tres categorías: curtametraxes, longametraxes e videoclips. O prazo de recepción estará vixente ata o próximo 16 de setembro e poderanse enviar tanto en formato dixital coma en soporte físico.

As obras deberán pertencer ó mundo freak, entendendo isto como a serie B, o terror, a ciencia ficción, o cine fantástico ou a parodia dos mesmos, pero tamén a calquera outro xénero (western, policial, musical…) que teña a vocación de formar parte da cultura freak polas súa intención de sorprender, de amedrentar ou de tratar con sorna calquera tema. En definitiva, cintas cheas de gamberrismo.

As bases completas e a formulario de inscrición poden atoparse a partires de mañá na páxina web do certame.

TERCEIRO ANO DE FESTA FREAK

Este é o terceiro ano do Galician Freaky Film Fest (a primeira edición denominouse “cero”) que cada ano pretende achegarse á visión persoal coa que mesturamos os galegos os xéneros fantástico e de terror e lles sumamos unha boa cantidade de ruralismo e retranca.

Miriam P Álvarez, Juan de Castro e o Home Elefante

A súa última edición foi todo un éxito tanto de público, xa que en moitas das sesións colgouse o cartel de “completo”, como da crítica, incrementando a repercusión mediática respecto ao ano anterior. Así, durante un fin de semana os asistentes gozaron de máis dunha vintena de traballos audiovisuais, un concerto freak de fin de festa ou a exposición do pintor Josef Mendez, un dos máximos expoñentes do horror pictórico nacional.

Nesta nova edición serán moitas as sorpresas relacionadas con esa cultura na que creceron os nenos e nenas de finais dos 80 e principios dos 90 baseada en pelis de ciencia ficción, series de anime e os videoclips do Xabarín Club. De feito, unha das novidades que de seguro sorprenderán será o deseño dun cartel que renderá unha homenaxe a “Alien”, unha das grandes sagas da ciencia ficción de todos os tempos e que chegará ao Galician Freaky Film Festival da man do deseñador Paulo Mosca.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies