spot_img
InicioVal MiñorBaionaArnhild Utheim: "Agora con todo isto, engadíronse moitas pezas que completan o...

Arnhild Utheim: “Agora con todo isto, engadíronse moitas pezas que completan o puzzle da miña vida”

Concello de Baiona e Talaso Atlántico renderon esta mañá homenaxe ás vítimas do Thalassa e á súa única sobrevivente, Arnhild Utheim
De izq. a dereita: Francisco Alonso, Angel Rodal, Arnhild Utheim, Rosana Canda e José Rodríguez

O Concello de Baiona e Talaso Atlántico renderon esta mañá homenaxe ás vítimas do Thalassa e á súa única sobrevivente, Arnhild Utheim, setenta anos despois da traxedia. O naufraxio que conmocionou Baiona ocorreu a noite do 31 de decembro de 1948 en Cabo Silleiro, a escasos metros do lugar onde hoxe levántase o Talaso Atlántico.

O actos de homenaxe comenzarón cunha rolda de prensa na que a Arnhild Utheim, estivo acompañada, polo alcalde de Baiona, a directora do Talaso, Rosana Canda, Francisco Alonso, responsable de conseguir toda a información e José Rodríguez, quen finalmente fixo a maqueta.

Concello de Baiona e Talaso Atlántico renderon esta mañá homenaxe ás vítimas do Thalassa e á súa única sobrevivente, Arnhild UtheimDurante a homenaxe Arnhild asegurou que”despois de vivir a ciclogénesis estes días, agora entendo porque a xente aquí debe considerar a miña supervivencia como un milagre”. “É a primeira vez que estando en Galicia vivo un tempo similar a aquel 31 de decembro de 1948”, engadiu. Arnhild Utheim ( Arnild Karlsen, cando ocorreu a traxedia), asegurou que o laborioso traballo de documentación realizado polo acto conmemorativo de hoxe, axudoulle para “completar o puzzle da miña vida”. Arnhild agradeceu a todos os promotores da homenaxe, Concello de Baiona e Talaso Atlántico, e encomiou o agarimo que sempre recibiu de Baiona e dos seus habitantes, especialmente da familia que durante anos ocupouse de coidar as tumbas da súa familia. “Para min Baiona é o meu segundo fogar e estou moi feliz ter aquí unha irmá pequena, Arnilda”, en alusión a Arnilda Estévezz, filla dun dos mariñeiros que axudou no rescate dos restos do Thalasssa e decidiu chamar así á súa filla, nacida uns meses despois da traxedia.

A directora do Talaso Atlántico, Rosana Canda, explicou que a homenaxe desta mañá naceu hai anos, cando algúns clientes preguntábanlles se o nome do hotel tiña que ver co barco afundido. “E de aí xurdiu a necesidade de renderlle homenaxe a esta familia e pensamos que estabamos en débeda coas vítimas e quixemos poñer o noso granito de area”, agregou Canda.

Concello de Baiona e Talaso Atlántico renderon esta mañá homenaxe ás vítimas do Thalassa e á súa única sobrevivente, Arnhild UtheimO acto conmemorativo continuou cunha ofrenda floral onde descansa os restos mortais dos pais e irmáns de Arnhild, no cemiterio de Baiona. A continuación, o alcalde de Baiona, Angel Rodal, acompañado da directora do Talaso Atlántico, Rosana Canda, descubriron unha placa conmemorativa na rotonda de Cabo Silleiro, lugar que a partir de hoxe pasará a chamarse Miradoiro do Thalassa.

Unha maqueta elaborada por José Rodríguez Fernández tras un ano de intenso traballo, mostra  no hotel Talaso Atlántico como era aquel cruceiro

O alcalde de Baiona, Angel Rodal, subliñou o vínculo que Arnhild ten con Baiona e os baioneses ”Este lugar non foi elixido o azar. Está situado entre a zona na que tivo lugar o tráxico naufraxio e a praia “sen area” na que espertou a pequena Arnhild de tan só 10 anos axudada por dous soldados que a levaron ao hospital, devolvéndolle esperanza” Rodal engadiu que “a partir de hoxe, con esta placa, o seu recordo permanecerá aínda máis ancorado por sempre entre nós”.

Concello de Baiona e Talaso Atlántico renderon esta mañá homenaxe ás vítimas do Thalassa e á súa única sobrevivente, Arnhild UtheimA homenaxe pechouse coa presentación da maqueta do barco que está exposta permanentemente no hotel e cuxa construción supuxo un laborioso traballo de documentación xa que apenas existían imaxes do cruceiro. Segundo explicou Francisco Alonso do Río, do Talaso Atlántico, “atopámonos con moitos clientes e amigos que nos preguntaban pola historia do barco. Esa similitude fonética entre o noso nome e o do barco empuxounos a investigar na historia. Logo coñecemos a Arnhild e empezamos a investigar sobre o barco”, segundo do Río a investigación durou varios anos froito da dificultade de atopar documentos sobre o barco ata que finalmente puideron conseguir os planos e algunhas imaxes.

Leer máis: O Concello de Baiona e Talaso Atlántico renden homenaxe ás vítimas do Thalassa

THALASSA

O Thalassa chegou ao porto de Vigo procedente de Stavanger (Noruega) o 24 de decembro de 1948. Atracou no Club Náutico de Vigo e pasou alí o nadal. A súa tripulación, composta por quince persoas, viaxaba rumbo ás Galápagos co fin de establecerse alí no negocio da salgadura iniciado por unhas compatriotas. O 31 de decembro decidiron renovar a súa viaxe, pero o mal tempo fíxolles cambiar de idea ao chegar a Cabo Silleiro. O Thalassa acabou chocando contra a roca coñecida como A Punta do Lobo, e partiuse en dous. Morreron todos os membros da tripulación, excepto unha nena de dez anos, Arnhild Karlsen.

- Publicidade -spot_img