Inicio Val Miñor Baiona O Concello de Baiona e Talaso Atlántico renden homenaxe ás vítimas do...

O Concello de Baiona e Talaso Atlántico renden homenaxe ás vítimas do Thalassa

Concello de Baiona e Talaso Atlántico renderán homenaxe ás vítimas do Thalassa e á súa única sobrevivente, Arnhild Karlsen, setenta anos despois do dramático naufraxio.
O vindeiro xoves, 15 de marzo, o consistorio baionés e o establecemento hostaleiro organizarán un evento que lembre para sempre a traxedia. A homenaxe, ao que asistirá a sobrevivente do naufraxio, comezará cunha ofrenda floral onde descansan os restos mortais dos pais e irmáns de Arnhild, no cemiterio de Baiona. A continuación, o alcalde de Baiona, Angel Rodal, acompañado da directora do Talaso Atlántico, Rosana Canda; descubrirán unha placa conmemorativa na rotonda de Cabo Silleiro, lugar que a partir dese momento pasará a chamarse Miradoiro do Thalassa. A homenaxe pecharase coa presentación dunha maqueta do barco que estará exposta permanentemente no hotel e cuxa construción supuxo un laborioso traballo de documentación xa que apenas existían imaxes do cruceiro.
O Thalassa naufragou  en 1948 fronte a Cabo Silleiro e deixou unha única sobrevivente que asistirá ao acto conmemorativo
O Thalassa chegou ao porto de Vigo procedente de Stavanger (Noruega) o 24 de decembro de 1948. Atracou no Club Náutico de Vigo e pasou alí o nadal. A súa tripulación, composta por quince persoas, viaxaba rumbo ás Galápagos co fin de establecerse alí no negocio da salgadura iniciado por unhas compatriotas. O 31 de decembro decidiron renovar a súa viaxe, pero o mal tempo fíxolles cambiar de idea ao chegar a Cabo Silleiro. O Thalassa acabou chocando contra a roca coñecida como A Punta do Lobo, e partiuse en dous. Morreron todos os membros da tripulación, excepto unha nena de dez anos, Arnhild Karlsen.
- Publicidade -

1 comentario

Comments are closed.

ÚLTIMA REVISTA

+ VISTOS

SÍGUENOS

692FansGóstame
311SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies