Inicio Pontevedra A Ribeira Sacra segue o seu camiño como candidata de España á...

A Ribeira Sacra segue o seu camiño como candidata de España á Lista do Patrimonio Mundial da Unesco o vindeiro 2021

Pulo definitivo á dobre candidatura da Ribeira Sacra a Reserva da Biosfera e Patrimonio MundialA paisaxe cultural da Ribeira Sacra confírmase como candidata de España á Lista do Patrimonio Mundial da UNESCO o vindeiro 2021

A paisaxe cultural da Ribeira Sacra segue a avanzar como candidata española á Lista do Patrimonio Mundial para o vindeiro ano 2021 coa súa remisión por parte do Ministerio de Cultura y Deporte á UNESCO o pasado mes de setembro. Previsiblemente, a candidatura da Ribeira Sacra contará cun Plan de Xestión pechado pola Consellería de Cultura e Turismo a finais de 2019, avaliarase por parte da UNESCO ao longo do 2020 e irá ao Comité do Patrimonio Mundial de 2021.

Así se deu a coñecer está mañá na 86ª reunión do Consejo de Patrimonio Histórico, o máximo órgano de coordinación Patrimonial do Estado, que se celebra desde onte no Parador conquense. O devandito encontro foi presidido polo director xeral de Belas Artes do Ministerio de Cultura e Deporte, Román Fernández-Baca, e nel participa, en representación da Xunta de Galicia, a directora xeral de Patrimonio Cultural, María Carmen Martínez Ínsua.

Normalidade na tramitación e impulso das candidaturas

O resto das propostas galegas, Illas Cíes-Parque Nacional das Illas Atlánticas e Cidade de Ferrol: Porto de la Ilustración, continúan o seu traballo con normalidade para acadar a súa futura inclusión na Lista do Patrimonio Mundial. As dúas candidaturas están neste momento inscritas na Lista Indicativa Española do Patrimonio Mundial. No caso de Illas Cíes-Parque Nacional das Illas Atlánticas, a Xunta e as tres universidades galegas teñen asinado o pasado mes de xullo un convenio para a realización do formulario da candidatura.

86ª reunión do Consejo de Patrimonio Histórico

Este órgano entre a Administración do Estado e as Comunidades Autónomas ten como finalidade especial facilitar a comunicación e o intercambio de programas de actuación e información relativos ao Patrimonio Cultural Español e nel están representados todos os directores xerais con competencias en materia do patrimonio cultural das distintas autonomías españolas, xunto cos representantes do Ministerio de Cultura e Deporte.

Na reunión do Consejo de Patrimonio Histórico analizouse a situación dos plans nacionais de patrimonio; presentouse o proxecto de creación do Centro de Categoría 2 da UNESCO sobre arte rupestre e se abordou o estado das candidaturas españolas para ingresar na Lista de Patrimonio Mundial, material e inmaterial.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies