Inicio Val Miñor Nigrán A Fundación Érguete-Integración e o Concello de Nigrán fomentan a empregabilidade de...

A Fundación Érguete-Integración e o Concello de Nigrán fomentan a empregabilidade de persoas en risco de exclusión social cun Curso de Auxiliar de Restaurante-Bar

A Fundación Érguete-Integración e o Concello de Nigrán fomentan a empregabilidade de persoas en risco de exclusión social cun Curso de Auxiliar de Restaurante-BarA acción formativa conta coa financiación da Deputación de Pontevedra como parte do proxecto Emprego Inclusivo

Este luns, 6 de maio, tivo lugar no local do Pénjamo SunBar, na Praia de Patos (Nigrán), a presentación do Curso de Auxiliar de Restaurante-Bar que xestiona a Fundación Érguete-Integración en colaboración co concello de Nigrán.

A esta xornada inaugural asistiu a Presidenta da Fundación Érguete-Integración, Carmen Avendaño; a Deputada provincial de Cohesión Social e Xuventude, Diga Rivas e o Alcalde do Concello de Nigrán, Juan Antonio González.

O acto comezou coa intervención de Carmen Avendaño, quen quixo dar a benvida ao curso ao alumnado e dar as grazas pola súa colaboración ao Concello de Nigrán e á Deputación de Pontevedra. Ademais, tamén quixo trasladar ás persoas participantes que máis alá da oportunidade de formación, nestas iniciativas sempre nace un espírito de compañeirismo moi importante.

A continuación tomou a palabra Digna Rivas, quen afirmou que iniciativas como estas axudan a contribuír á igualdade de oportunidades entre as persoas, algo moi difícil de levar a cabo sen as accións de entidades como a Fundación Érguete-Integración.

O último en intervir foi Juan Antonio González, que agradeceu a financiación da Deputación e a labor da Fundación durante estes 20 anos, levando a cabo formacións como estas que buscan axudar ás persoas a lograr a súa inserción no mercado laboral.

Formación polo Emprego Inclusivo

O curso de Auxiliar de Restaurante-Bar, que terá lugar do 6 de maio ao 7 de xullo en Nigrán, formará a persoas que se atopan en busca activa de emprego para que podan adquirir as competencias necesarias para favorecer a súa incorporación ao mercado laboral no ámbito da hostalaría. Esta acción ten un total de 200 horas de formación, das que 80 son prácticas non laborais en empresa. Polo tanto, o alumnado recibirá unha completa formación teórica e práctica co obxectivo de contribuír á súa inserción laboral.A Fundación Érguete-Integración e o Concello de Nigrán fomentan a empregabilidade de persoas en risco de exclusión social cun Curso de Auxiliar de Restaurante-Bar

Este Programa Formativo encádrase no proxecto Emprego Inclusivo promovido pola Deputación de Pontevedra e desenvolvido coa colaboración do Concello de Nigrán. A iniciativa está pensada para mellorar a empregabilidade das persoas en risco de exclusión social, facilitando a súa incorporación ou reincorporación ao mercado laboral, mediante formación ou capacitación técnica e prácticas en empresa e Itinerarios Individualizados de Inserción; que engaden á formación, os servizos de orientación e intermediación laboral.

- Publicidade -

ÚLTIMA REVISTA

+ VISTOS

SÍGUENOS

39FansGóstame
272SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies