Inicio Pontevedra A Deputación de Pontevedra súmase ás accións conmemorativas do Día Nacional...

A Deputación de Pontevedra súmase ás accións conmemorativas do Día Nacional das Linguas de Signos

A Deputación de Pontevedra súmase ás accións conmemorativas do Día Nacional das Linguas de SignosPor segundo ano, o Pazo Provincial acollerá a entrega de premios do concurso “Xoga coas manciñas” e iluminará a súa fachada de cor turquesa as noites dos días 13 e 14 de xuño

Con motivo da celebración do Día Nacional das Linguas de Signos, que se celebra o vindeiro 14 de xuño, a Deputación de Pontevedra súmase aos distintos actos para sensibilizar ao conxunto da sociedade coas persoas xordas. Así, esta mañá, a deputada de Cohesión Social e Xuventude, Digna Rivas, o deputado de Cultura, Xosé Leal,  o concelleiro de Xuventude, Luis Alberto Oubiña, e a presidenta de Xoga, María Jesús Monterde, presentaron no Pazo Provincial as accións que se levarán a cabo nos vindeiros días.

Máis polo miúdo, o Salón de Plenos do Pazo acollerá o vindeiro 14 de xuño a entrega de premios da segunda edición do concurso provincial “Xoga coas manciñas”, un certame para nenos e nenas da provincia de educación infantil e primaria, que ten como obxectivo promover e sensibilizar sobre a lingua de signos e a comunidade xorda. Así, as persoas participantes terán de prazo ata o 11 de xuño para gravar un vídeo en lingua de signos dun conto, canción ou poema dunha autora ou autor galega/o. Trátase dunha iniciativa impulsada por Xoga, unha asociación de iniciativa social sen ánimo de lucro cuxa misión é defender os dereitos fundamentais e así lograr mellorar a calidade de vida e benestar das persoas con diversidade funcional auditiva de Galicia.

Tamén para conmemorar o Día Nacional das Linguas de Signos, que se celebra cada 14 de xuño dende 2014 para recordar a data na que se constituíu a Confederación Estatal de Persoas Xordas, o pazo provincial da Deputación permanecerá iluminado de cor turquesa as noites dos días 13 e 14 de xuño. Así mesmo, a sede de Turismo Rías Baixas vai acoller unha exposición de Alfredo Palau, artista xordo cunha ampla e recoñecida traxectoria como deseñador gráfico, cuns traballos que amosan unha particular visión da arte pop. A mostra poderá verse dende o 19 de xullo ata o 4 de agosto. Amais, no marco das accións conmemorativas, este mesmo venres 7 de xuño, ás 18.30 horas, terá lugar na Casazul a charla-coloquio “A lingua de signos galega”, a cargo de Andrés Caamaño, Ana Fernández Soneira e coa participación de Xulio Loureiro.

Segundo datos da OMS, a xordeira afecta a máis do 5% da poboación mundial, é dicir, a aproximadamente 360 millóns de persoas en todo o mundo, dos que 32 millóns son nenas e nenos. En España, a xordeira afecta arredor dun millón de persoas (das que case o 72% teñen máis de 65 anos). No que respecta á provincia de Pontevedra, máis de 16.000 persoas viven con algún tipo de problema sensorial, das que a metade, unhas 8.000, contan cun problema auditivo.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies