Inicio Pontevedra A campaña "Fame de experiencias" acada o seu quinto premio internacional no...

A campaña “Fame de experiencias” acada o seu quinto premio internacional no Festival de Turismo de Riga

A campaña turística da Deputación de Pontevedra “Fame de experiencias” xa ten o seu quinto recoñecemento internacional grazas ao premio que acaba de recibir no Festival de Turismo de Riga, Letonia, na categoría de mellor Produto Turístico.

O audiovisual, producido pola empresa Esmerarte, recibiu o primeiro premio fronte a outros 38 vídeos de todo o mundo. O segundo posto foi para Canadá (“o5 Tea”) e o terceiro, compartido, para Croacia (Croatia – Your Next Filming Destination) e Tesalónica, en Grecia (Archaeological Museum of Thessaloniki). O Festival de Riga cumpriu este ano 13 edicións e nesta ocasión optaron a premio 154 produccións de todo o mundo.A campaña "Fame de experiencias" acada o seu quinto premio internacional no Festival de Turismo de Riga

Tras coñecer a noticia, a presidenta da Deputación, Carmela Silva, puxo en valor “os grandes destinos con que competíamos” e valorou “este novo recoñecemento internacional que sitúanos como un destino de referencia grazas a un turismo ligado ao territorio, ao produto e, como amosamos neste caso, a grandes produtores e produtoras que amais o fan todo dun xeito tradicional e ecolóxico, en definitiva un modelo que xa era o motor do turismo e que agora aínda o será máis”.

Este premio súmase aos catro que xa acadara anteriormente a Deputación de Pontevedra, pois o audiovisual xa tiña conseguido recoñecementos internacionais na Feria de Fitur, nos Golden City Gate de Berlín, nos New York Festivals Film and TV Awards e nos 16° International Tour Film Fest de Bulgaria.

Este novo galardón serve para recoñecer o traballo da Deputación de Pontevedra na súa aposta por un modelo diferente, vangardista e sostible de promoción da nosa provincia, amosando todo o talento existente e poñendo en valor ao territorio

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies