O concello de Gondomar en colaboración cos concellos de Nigrán e Baiona, celebrará o próximo 17 de Maio “A festa da Bicicleta 2015” na súa edición XXVII.
Esta festa consiste nunha ruta con saída dende a praza do concello de Gondomar ata Baiona; a saída terá lugar ás 10:45 horas, será necesario estar corenta e cinco minutos antes para tramitar a inscrición e recoller os números.
Os participantes terán que ser maiores de 7 anos, provistos de bicicleta e casco, capaces de levar o ritmo do pelotón, completando o itinerario devolta ao punto de partida en Gondomar.
Este ano invítase aos participantes a vir ataviados con vestimenta antiga
Esta ruta ciclista contará co despregamento do conxunto de servizos de deportes dos concellos de Gondomar, Nigrán e Baionae as súas correspondentes policías locais.
Este ano como novidade, invítase aos ciclistas, que participen con vestiario de épocas antigas, co fin de recordar as orixes da bicicleta, e darlle unha animación clásica a esta xa tradicional festa, iniciando desta forma a TWEED RIDE do Val Miñor, un orixinal recorrido, que xa se vén desenvolvendo por Europa e varios lugares de España e que permitirá retomar os inicios dos paseos en bicicleta.
