Inicio Reportaxes Unha subespecie da “Salamandra Salamandra” presenta un novo modo de reproducción vivíparo...

Unha subespecie da “Salamandra Salamandra” presenta un novo modo de reproducción vivíparo nas Illas de Ons e San Martiño

Unha-subespecie-Salamandra-presenta-novo-modo-reproducción-vivíparo-Illas-Ons-San-Martiño

Un estudo das especies do Parque Nacional das Illas Atlánticas de Galicia ligadas ás augas doces, do que Adolfo Cordero Rivera foi o investigador principal, determina a adaptación nas Illas de Ons e San Martiño da S. s gallaica, subespecie da Salamandra Salamandra, que presenta un modo de reprodución vivíparo. Un fenómeno que recolle Quercus, a revista decana da prensa medioambiental española.

As píntegas vivíparas pairen unhas larvas que poden vivir directamente sobre medio terrestre ao contrario das larvas pertencentes aos anfibios ovovivíparos, as cales necesitan dunha fase acuática para completar o seu desenrolo

A píntega común é un anfibio que soe presentar unha forma de reprodución ovovivípara. É dicir, cando estes animais pairen, as súas larvas teñen que estar ligadas ao medio acuático durante un período de tempo. Sen embargo, a subespecie das Illas de Ons e San Martiño é vivípara, xa que as súas larvas poden entrar en contacto directo co medio terrestre, non precisan da fase acuática. Esta información, froito do traballo que se vén realizando dende unha década, comprobouse mediante a captura de sete femias para que pariran dentro dos laboratorios. Unha vez que a teoría foi corroborada, tanto as femias como as crías foron devoltas ao seu entorno natural.

Os anfibios que habitan en Ons presentan un gran rango de variación mentres que os de Cíes son moito menores e similares

Estes animais pódense atopar de forma abundante na Illa de Ons cun nivel de densidade situado entre os 0,13 individuos/metro. Nas Cíes só se poden achar en San Martiño, nun lugar próximo ao arroio Concela, entre pedras e vexetación húmida. Os animais de Ons presentan diferentes rangos en canto a tamaño, mentres que os de Cíes son menores e máis similares.

A revista Quercus recolle un artigo sobre a adaptación destas píntegas no Parque Natural das Illas Atlánticas

Este fenómeno non é único, posto que se poden atopar subespecies de reprodución vivípara como a S.s bernardezi ou a S.s fastuosa nas montañas cantábricas ou no suroeste dos Perineos.

O estudo, que aborda a bioloxía dos anfibios do parque e as súas caracterizacións xenéticas, tamén ten en conta outras especies coma o Discoglossus galgano (Sapillo Pintojo) e o Lissotriton boscai. A primeira delas está presente en dous núcleos de Ons (O Caño e Pereiró), mais a súa reprodución é bastante escasa, xa que os adultos atopados constan dunha elevada idade. Esta especie, que se reproduce en zonas húmidas durante a primavera, tamén habita en Sálvora. Por outro lado, o Lissontriton boscai, denominado como Tritón Ibérico, ten orixe no norte da península e é moi abundante tanto na Illa de Ons como na de Sálvora.

Cómpre resaltar que as illas son lugares idóneos para investigar os mecanismos de adaptación dos animais debido ás características medioambientais do seu entorno, tal como é o caso do Parque Natural das Illas Atlánticas.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies