Inicio Pontevedra Unha gran festa no Auditorio Mar de Vigo acollerá a III Gala...

Unha gran festa no Auditorio Mar de Vigo acollerá a III Gala Anual de Turismo da Deputación de Pontevedra

o-auditorio-mar-de-vigo-acollera-a-gran-gala-de-presentacion-da-campana-de-turismo-rias-baixas-2017

A actriz Deborah Vukusic e o actor Carlos Blanco conducirán a Cerimonia na que 139 empresas do sector turístico da provincia recibirán o recoñecemento SICTED

Música, humor, sorpresas e “moito glamour” encherán este próximo martes, 12 de marzo, o Auditorio Mar en Vigo, no decurso da III Gran Gala de Turismo Rías Baixas que organiza a Deputación de Pontevedra. As 20.00 horas, a actriz Deborah Vukusic e o actor Carlos Blanco serán as primeiras persoas que cruzarán a alfombra vermella para conducir un evento que está organizado “ao máis puro estilo cinematográfico”, no que a Deputación presentará a campaña deste ano “Fame de Experiencias”, e no que 139 empresas do sector turístico das diferentes comarcas da provincia recibirán os recoñecementos SICTED, o selo que acredita a excelencia e profesionalidade.

A presidenta provincial, Carmela Silva subliñou que “estamos a falar da gran festa do turismo na provincia nun momento no que, ademais, estamos a ser o referente turístico en todo o estado”. “Esta Gala, dixo a presidenta, é o noso recoñecemento a todas e a todos os que apostan pola excelencia, a sustentabilidade e a vangarda do turismo do futuro que xa está aquí”.

A principal novidade da Gala deste ano será o nomeamento da primeira persoa que representará á provincia como “Embaixadora” ou “Embaixador” de Rías Baixas, elección que se dará a coñecer en sobre pechado no transcurso da cerimonia. A escolla foi realizada ao través da votación do sector turístico e institucións entre as propostas presentadas na Mesa do Turismo da provincia

Autoridades e representantes do mundo turístico, social, artístico e cultural da provincia asistirán ao evento que nomeará á primeira persoa “Embaixadora de Rías Baixas“

O alcalde de Vigo, como anfitrión, e alcaldes e alcaldesas da provincia xa confirmaron a súa presenza no Auditorio Mar de Vigo, amais de autoridades políticas e representantes do sector turístico, social, cultural e artístico da provincia de Pontevedra. Tamén, produtoras e produtores, protagonistas ese ano da campaña “Fame de Experiencias”, e varios chef Estrela Michelin estarán presentes no evento.

Esta terceira edición da Gala de Turismo, que será retransmitida en directo ao través da web  www.depo.gal e das redes sociais da Deputación de Pontevedra, contará coa actuación musical de Rosa Cedrón e do Grupo de Danza “Media Punta”.

- Publicidade -

ÚLTIMA REVISTA

+ VISTOS

SÍGUENOS

694FansGóstame
291SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies