Inicio Baixo Miño A Guarda Unha "casa indiana" do século XIX é a nova sede do Concello...

Unha “casa indiana” do século XIX é a nova sede do Concello da Guarda

Unha "casa indiana" do século XIX é a nova sede do Concello da Guarda

A Guarda celebrou onte o acto inaugural da nova sede da Casa do Concello na “Casa dos Alonsos”, lugar no que se atopan as dependencias municipais dende finais de 2018.

O acto contou coa asistencia da Subdelegada do Goberno, Maica Larriba García; da Directora Xeral de Administración Local, Marta Fernández-Tapias Núñez; da Presidenta da Deputación de Pontevedra, Carmela Silva Rego; do Alcalde da Guarda, Antonio Lomba Baz e da corporación local.

No evento celebrado na Praza do Reló, tamén estiveron presentes, entre outras personalidades, alcaldes e alcaldesas da Comarca do Baixo Miño, así coma unha representación de ex-alcaldes, ex-concelleiros, empregados municipais, representantes de partidos políticos, asociacións e institucións públicas e privadas ligadas á vida municipal da Guarda e numeroso público.

Co Canto á Guarda, por algúns dos compoñentes do Coro Cantábile, e o descubrimento da placa deu comezo o acto de inauguración

Carmela Silva Lago lembrou a súa vinculación coa Guarda, sendo habitual a súa presenza nesta vila, por amistades que tiña e destacando a importancia da vila nas orixes de Galicia, cos pobos antigos chegados ao monte Santa Trega.

Antonio Lomba, Alcalde da Guarda, quixo expresar que “hoxe é un día dos grandes para o noso querido pobo da Guarda”, destacando na súa intervención que “hai 182 anos edificábase o edificio do antigo concello, tendo hoxe estas novas dependencias, unha sede municipal moderna, concibida para facilitar o labor dos traballadores e para dar uns servizos de calidade á cidadanía acordes cos tempos que vivimos”.

Durante o transcurso do acto descubriuse unha placa conmemorativa, realizouse o corte simbólico da cinta na porta de acceso ao edificio e proxectáronse varios vídeos sobre turismo, historia e vida institucional da Guarda. Tamén houbo unha pequena exposición sobre fondos artísticos e publicacións municipais. Do mesmo xeito editouse tamén un folleto que resume a longa historia da “Casa dos Alonsos”

Casa dos Alonsos

A Casa do Concello tivo ao longo da súa historia varios propietarios, pasando a ser propiedade municipal dende o ano 2001. Comezando as obras de rehabilitación no ano 2009 e rematando as mesmas o pasado verán de 2018. O edifico orixinal era unha «Casa Indiana» de arquitectura señorial urbana cunha elegante fachada de pedra nobre que foi conservada e restaurada. Fotos da inauguración nova Casa Concello da Guarda


- Publicidade -

ÚLTIMA REVISTA

+ VISTOS

SÍGUENOS

32FansGóstame
260SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies