O río Tea acolle o sábado día 5 de marzo a 2ª competición da liga Galega de Slalom na que participarán todos os clubs galegos da especialidade.
Un total de 100 deportistas pertencentes a seis clubs tomarán as distintas saídas que darán comezo ás 11:00 da mañá.
O Club Tea de Mondariz conta co maior número de participantes ao sumar un total de 27, séguenlle o Club Piragüismo Penedo con 25, Club deportivo Miño Vos Teixugos con 16, Sen Siras 11, Piragüismo Dumbría e Montaña Quixós participan con 6 padeeiros cada un.
A clasificación xeral da liga está lidera polo club Tomiñés de Vos teixugos seguido do Club Piragüismo Penedo que é segundo, en terceira posición atópase o Club Piragüismo Tea de Mondariz.
