·Publicidade ·spot_img
InicioBaixo MiñoTui celebra a quinta edición da Feira do Peregrino

Tui celebra a quinta edición da Feira do Peregrino

Tui celebra a quinta edición da Feira do PeregrinoOs próximos 4 e 5 de setembro celébrase en Tui a quinta edición da Feira do Peregrino, unha feira que quere render homenaxe a todos os peregrinos que nalgún momento pasaron por Tui.

Miles e miles de peregrinos pasan cada ano por Tui no seu camiño cara a Santiago de Compostela, sendo esta cidade a porta a Galicia do Camiño Portugués o segundo máis concorrido tras o Camiño Francés.

Tras o parón obrigado no 2020 pola COVID-19 volve a Tui a Feira do Peregrino unha feira que chega á súa quinta edición organizada pola Asociación de Comerciantes e Industrias de Tui ( Acitui), Asociación Turismo Cidade de Tui e a Asociación Amigos do Camiño de Santiago de Tui e que os próximos días 4 e 5 de setembro encherá Tui con numerosas actividades como unha homenaxe a todos eses peregrinos que durante séculos pasaron polas súas rúa no seu camiño a Santiago de Compostela.

Esta Feira que contará con todos os protocolos e medias anticovid establecidos, chegará cun programa cargado de actividades de todos os ámbitos, desde música, cultura, animación, entretemento e moito máis.

Os actos comezarán o sábado 4 de setembro con charlas e conferencias na aula Uned de Tui relacionadas co Camiño de Santiago e baixo o Forum Peregrino 2021 organizado pola Asociación Peregrina Iacobus e que continuarán o domingo.

Ás 11 h do sábado dará inicio no Paseo da Corredera o Mercado de Artesanía do Peregrino e en horario de tarde levará a cabo e en colaboración con Alfombristas do Camiño de Santiago, a confección dunha alfombra floral de 28 m2 no rellano da Catedral de Tui.

Os actos principais deste sábado serán por unha banda o acto homenaxe ao peregrino, coa recreación escenográfica teatralizada da chegada a Tui de Cosme de Medici III, Príncipe da saga dos Medici, que pasou por Tui na súa peregrinaxe a Santiago desde o seu desembarco no Río Miño ata a súa chegada á Catedral de Tui, este acto terá lugar a partir das 17:30 h.

Ás 18:45 levará a cabo a lectura do pregón desta Feira da man de Miguel Pampín Rúa, Gran Mestre e Presidente da Orde do Camiño de Santiago, nas escalinatas da Catedral de Tui.

Ás 19 h e na Catedral de Tui terá lugar a Misa do Peregrino oficiada polo Excelentísimo e Reverendo Don Luís Quinteiro Fiuza, Bispo Diocesano de Tui-Vigo.

Este primeiro día complétase con actividades infantís, concurso de caracterización do peregrino, proxección audiovisual e un Gran Espectáculo de Queimada con Conxuro.

O domingo 5 de setembro continúan as actividades do día anterior como conferencias, feira de artesanía, pasacalles, concurso de debuxo e a actuación teatral de humor do grupo “Fulano, Mengano e Citano” coa súa obra Ou que hai que ver!

Tui homenaxea e agradece desta forma a todos os peregrinos que no seu día, percorreron, percorren e percorrerán a súa empedradas e históricas rúas no seu camiño cara a Santiago de Compostela.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies