Asistiron á representación de Troyanas e Anfritrión no Teatro Municipal
O Teatro Municipal de Tui é este ano unha das sedes do XX Festival de Teatro GrecoLatino que se celebra a nivel nacional. En Galicia desenvólvese baixo a organización da Delegación Gallega de la Sociedad Española de Estudios Clásicos, e neste caso conta coa colaboración do Concello de Tui.
Preto de 900 de alumnos e alumnas de secundaria de institutos de toda a provincia asisten hoxe ás dúas representacións programadas no teatro tudense.
Esta mañá, previa á posta en escena de Troyanas de Eurípides, o alcalde, Enrique Cabaleiro, xunto á concelleira de Cultura e Ensino, Sonsoles Vicente, o concelleiro de Turismo e profesor do IES San Paio, Laureano Alonso, e a coordinadora da actividade, María Teresa Amado, deron á benvida aos 489 mozos e mozas que asistiron á representación.
Á tarde case 400 alumnos e alumnas asistiron á representación de “Anfitrión” de Plauto. A compañía de teatro da Coruña Noite de Bohemia foi a encargada de pór en escena as dúas obras.
Este XX Festival de Teatro Grecolatino comezou o luns en Lugo, continuará o 11 de marzo na Coruña, o 16 en Ourense.
