Inicio Pontevedra Baixo Miño Tomiño tinguirá de negro a Praza do Seixo contra a violencia machista

Tomiño tinguirá de negro a Praza do Seixo contra a violencia machista

Tomiño tinguirá de negro a Praza do Seixo contra a violencia machistaO Concello de Tomiño pide á cidadanía acudir vestida de negro para a lectura do manifesto contra a violencia de xénero

A Oficina Municipal de Igualdade do Concello de Tomiño convoca á cidadanía á “CONCENTRACIÓN E LECTURA DO MANIFESTO CONTRA A VIOLENCIA MACHISTA”, o vindeiro venres, 23 de novembro, ás 20.00 horas, na Praza do Seixo.

A acción encádrase dentro da campaña “En Negro contra as violencias 2018”, á que Tomiño se suma por segundo ano consecutivo. Dende o Concello, piden á cidadanía acudir vestida de negro, con paraugas da mesma cor, de xeito de “tinguir a Praza do Seixo de negro”, co fin de conmemorar o Día Mundial contra a Violencia de Xénero (25 de novembro).

Durante os meses de outubro e novembro, dende a Oficina Municipal de Igualdade, fóronse perfilando as distintas accións da campaña deste ano, contactando individualmente con establecementos da vila, de forma de lograr a maior implicación cidadá.

A alcaldesa Sandra González, convida á veciñanza a acudir este venres vestida de negro e indica que deste xeito,  “renovamos o noso compromiso con esta acción colectiva e transversal para a sensibilización social contra as violencias machistas, que implica a participación activa, baixo a coordinación do  Concello, da poboación e do tecido económico e social”.

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies