Inicio Val Miñor Baiona Terras Gauda patrocina un ano máis os Premios Nacionais de Vela

Terras Gauda patrocina un ano máis os Premios Nacionais de Vela

Terras Gauda patrocina un ano máis os Premios Nacionais de VelaA adega apoia por duodécimo ano consecutivo uns premios que recoñecen aos mellores do mundo náutico en España.

Terras Gauda une o mundo do viño e o da vela, patrocinando os Premios Nacionais de Vela, que este  ano alcanzan a décimo segunda edición. Son os galardóns máis prestixiosos do panorama náutico español e a gala de entrega terá lugar no Monte Real Club de Yates de Baiona o sábado 7 de setembro, no marco do 34ª Trofeo Príncipe de Asturias.

Co seu apoio, a adega impulsa o recoñecemento dos deportistas e institucións de maior relevancia no mundo da vela, e destaca os valores deste deporte: traballo en equipo, esforzo e superación, tal e como manifestou o director xeral do Grupo Terras Gauda, Enrique Costas, durante a rolda de prensa na que se presentaron os galardóns.

“Os Premios Nacionais de Vela Terras Gauda convertéronse nos premios de maior prestixio do sector e a nómina de proxectos e persoas galardoadas achega un gran valor engadido á nosa marca. Son proxectos de esforzo, éxito e constancia, uns valores polos que tamén apostamos en Terras Gauda, por iso é toda unha honra dar nome a estes prestixiosos galardóns”

Presentación Premios Nacionais de Vela 2019
Presentación Premios Nacionais de Vela 2019

En canto ao palmarés de premiados, O Bribón Movistar do Rei Juan Carlos será distinguido como Mellor Barco do ano; e o Estrela Damm, Mellor Barco ORC.

Os Premios Nacionais de Vela Terras Gauda tamén recoñecerán ao tándem cántabro-galego formado por Diego Botín e Iago López como o Mellor Equipo Olímpico. O equipo é unha das bazas máis prometedoras para as próximas olimpíadas de Tokio 2020.

A campioa do mundo, Violeta del Reino, sumará outra distinción ao seu extenso currículo deportivo: Regatista do Ano.

O Premio ao Mellor Proxecto Deportivo conmemorará o 25 aniversario do Galicia 93 Pescanova, mentres que dúas tripulacións do Real Club Náutico de Vigo recibirán senllos galardóns:  Equipo Xuvenil do Ano para o 420 de Martín Wiznery e Pedro Ameneiro; e Monotipo do Ano para o J70 Marnatura, armado pola familia Freire e liderado por Luís Bugallo.

Finalmente, o portal Nauta 360 de Unidad Editorial será galardoado con o  Premio Mariano Augado de Comunicación por ser unha referencia en información sobre o deporte de vela e o sector náutico.

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies