Inicio Vigo e área Pazos de Borbén Soutomaior e Pazos de Borbén inician a redacción dos seus Plans de...

Soutomaior e Pazos de Borbén inician a redacción dos seus Plans de Acción Contra o Cambio Climático

A Xunta crea a Comisión Interdepartamental que porá en marcha as primeiras medidas da Estratexia de Cambio Climático e EnerxíaO obxectivo europeo é reducir polo menos un 30% o consumo enerxético e o 40% das emisións de gases de efecto invernadoiro

Os concellos de Soutomaior e Pazos de Borbén acaban de iniciar a creación da súa folla de roteiro para combater os efectos do cambio climático. Un paso necesario tras a recente adhesión de ambos os municipios ao Pacto de Alcaldes polo Clima e a Enerxía e que determinará as accións que os gobernos locais deberán levar a cabo nos próximos anos para reducir o seu impacto ambiental conforme aos obxectivos europeos.

O primeiro paso necesario para a creación deste plan é a de realizar unha auditoría técnica que analice o actual impacto ambiental de ambos os Concellos. Un estudo que xa foi adxudicado por un importe de 5995,55 euros no caso de Soutomaior e de 3999,05 en Pazos de Borbén. O custo desta análise financiarase grazas á axuda que a Consellería de Medio Ambiente puxo ao dispor dos municipios incluídos no Pacto dos Alcaldes polo Clima e a Enerxía.

Unha vez finalizada a auditoria na que se recollen os principais indicadores do impacto ambiental actual acometerase a redacción da folla de roteiro necesario para alcanzar os obxectivos marcados pola Unión Europea, reducir polo menos o 27% do consumo enerxético e o 40% das emisións de dióxido de carbono, antes do ano 2030.

As estratexias para levar a cabo estas reducións pasan, entre outros factores, pola renovación da rede de iluminación pública con lámpadas LED para diminuír o consumo eléctrico e a actualización de sistemas de calefacción por outros baseados en enerxías renovables, como o xa instalado no novo instituto público de Arcade, para afrontar a redución de emisións de gases.

O alcalde de Soutomaior, Agustín Reguera, indicou que “esta é unha mostra máis do compromiso deste goberno co medio ambiente e que se une ao resto de accións que estamos a levar a cabo, como a renovación das dúas depuradoras do municipio, o programa de compostaxe doméstica e comunitaria ou as melloras na rede de recollida de augas pluviais, entre outros proxectos”.

Pola súa banda, o alcalde de Pazos de Borbén, Andrés Iglesias, destacou que só cos proxectos actuais para a renovación de iluminación pública superarase a redución de consumo eléctrico necesaria. “Coa instalación das farois LED na parroquia de Moscoso e o barrio de Mosteiro estamos a ver que o consumo descende sobre un 70% neses puntos. Cando terminemos de renovar a rede en todo o municipio superaremos con fartura os obxectivos europeos”, finalizou o rexedor pacense.

O pacto mundial dos alcaldes aproveita a experiencia obtida durante os últimos 8 anos en Europa e nas rexións circundantes e desenvolve os factores crave do éxito da iniciativa. Actualmente pertencen a este pacto que loita contra o cambio climático 7.000 autoridades locais e rexionais de 57 países.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies