·Publicidade ·spot_img
InicioVigo e áreaRedondelaRedondela lembra a Batalla de Rande no Museo Meirande

Redondela lembra a Batalla de Rande no Museo Meirande

Redondela recuerda la batalla de Rande en el Museo Meirande
Na presentación participaron as concelleira de Cultura, Iria Vilaboa, alcaldesa Digna Rivas e a concelleira de Turismo, María Castro

O Museo Meirande acolleu onte a presentación dos actos conmemorativos do 319 aniversario da contenda naval, que se clebrará os días 16, 23 e 24 de outubro, con actividades tanto na vila de Redondela como nas inmediacións do museo Meirande.

Ao acto acudiron varios integrantes da Asociación Deportiva e Cultural de Rande, na súa representación interveu Elvira Barcia, as concelleiras de Cultura, Iria Vilaboa, e de Turismo, María Castro, xunto á alcaldesa Digna Rivas e María Torres.

A cita ofrecerá representacións teatrais, concentración de barcos tradicionais, exhibición de cetrería, roteiros guiados pola enseada e un espectáculo pirotécnico, entre outros atractivos. O mercadillo medieval, que forma parte da oferta tradicional da festa, aínda non está garantido debido ás medidas preventivas contra o COVID, que obrigarán a controlar os aforos e á reserva previa de entradas para os actos na carpa principal.

Tres días de actividades e representacións, o sábado 16 de outubro cun espectáculo itinerante polas rúas de Redondela que inclúe distintas sorpresas, e os días 23 e 24 na contorna do Meirande

Desde a directiva da asociación, Elvira Barcia agradeceu a colaboración do Concello para a celebración deste evento, e tamén a implicación da veciñanza “que traballa durante meses para preparar as representacións”. Confiou en que este ano a relaxación das medidas Covid permitan ampliar a celebración e convidou a veciños e turistas aparticipar no evento.

Pola súa banda a alcaldesa de Redondela Digna Rivas, quen agradeceu tamén o traballo da veciñanza “para facer posible este evento”, adiantou que este ano os actos incluirán “unha exhibición de cetrería coas aguias de Valporquero, un espectáculo novo e tamén una visita guiada en barco, sempre dentro das medidas covid que teñamos”

Redondela recuerda la batalla de Rande en el Museo Meirande

 

Nos vindeiros días darán a coñecer en detalle toda a programación e os horarios. A entrada é de balde, pero será preciso retirar os billetes previamente para controlar o aforo. Poderán recollerse na Oficina de Turismo de Redondela e no propio Museo Meirande, ademais de reservarse algunhas entradas para as propias xornadas dos eventos.

Na recreación da batalla participan medio cento de veciños de todas as idades, que dan vida aos personaxes protagonistas da contenda naval, e tamén ao pobo redondelán da época

A profesora de teatro responsable das representacións, María Torres, adiantou que este ano vai ser un pouco diferente a outros anos, “vai a ver sorpresas, por exemplo, varios grupos de persoas, campesinos, soldados franceses, ingleses repartidos pola vila de Redondela. O próximo día 16, entorno as 19,00h. estades todos invitados a –esta acción intinerante-. O día 23 pola mañan, comenzaremos cun desfile de todos os participantes, vai a ver a primeira acción infantil, este ano hai cambios con respeito ao ano pasado, vai ser muy divertida. Pola tarde levaremos a acción dos adultos con dos cambios.

Sen querer desvelar todos os detalles, Torres exolica que serán “duas persoaxes as que levan o hilo conductor de toda historia que consta de 5 skech. Estas dúas persoaxes que son dous campesinos que dan a parte máis cómica deste “drama”. Finalmente temos o desembarco, na zona do peirao e os fogos artificiais que simulan a batalla“.

A unión da desembocadura do río Verdugo e as mareas, atopamos un chairo mariño rico en mariscos bivalvos e numerosas aves de invernada en plena ría de Vigo. A enseada alberga o arquipélago de San Simón formado por 4 illas: San Bartolomé, San Antonio, San Simón e San Norberto. Unha das máis relevantes é a illa de San Simón, pertencente á Rede Natura 2000. Esta illa estivo ocupada polos templarios nos séculos XII e XIII ata que a excomunión e disolución desta orde deixa a illa en mans da Coroa de Aragón que a doa ao Bispado de Tui no ano 1370 en agradecemento á súa fidelidade. Nos anos posteriores combinarase a ocupación relixiosa da illa con períodos de abandono, asaltos e saqueos por parte dos piratas británicos comandados por Sir Francis Drake. En 1702 chega un episodio histórico, a coñecida como batalla de Rande, que enfrontou ás tropas anglo-holandesas cunha coalición franco-española, na que resultaron vencedoras as primeiras. Despois da batalla saquearon toda a costa e incendiaron o antigo mosteiro de San Simón, que tras unha reconstrución volveu ser destruído e finalmente abandonado no ano 1719, tras outro ataque inglés. Despois de case un século de abandono, e debido ás epidemias de cólera, decídese instalar en San Simón o que sería coñecido como Lazareto de San Simón polo que tiñan que pasar os navegantes procedentes doutros países europeos. O lazareto inaugurouse en 1841 e foi clausurado en 1927, coa chegada da Guerra Civil convértese en cárcere. A partir de 1948 convértese en residencia de verán para os membros da Garda de Franco, pero en 1950 un accidente marítimo acabou coa morte por ahogamiento de corenta e tres membros da Garda de Franco, tras afundirse a súa embarcación "Monchita". Isto precipitou o peche da illa, que tan só volvería ser utilizada entre 1955 e 1963 como fogar Méndez Núñez para a Formación de Orfos de Mariñeiros. Actualmente, e despois dunha profunda remodelación o complexo parece estar destinado a converterse nun centro de recuperación da Memoria Histórica, con varios edificios restaurados, centro de documentación e biblioteca. Na actualidade as illas están abertas ao público, aínda que hai que pedir autorización para poder visitalas. e no mes de xullo celébrase un dos festivais de música máis exclusivos que podemos atopar na provincia de Pontevedra. Julio Verne O poder de inspiración artística e criadora deste arquipélago foi unha constante na súa historia, porque en San Simón caben infinitas novelas. Lendas de corsarios, de monxes templarios, de batallas, de tesouros ocultos e de viaxeiros chegados de afastadas terras, alimentadas polos múltiples avatares dos que este arquipélago foi testemuña ao longo da historia. En San Simón quixo Julio Verne que recalara o capitán Nemo nas súas Vinte mil leguas de viaxe submarina, marabillado pola lenda dos tesouros dos galeóns afundidos na batalla de Rande. Unha pasaxe que evocaría Carlos Núñez, un referente na música galega, que fala de San Simón e do Nautilus no disco Maio Longo, recollendo a testemuña dos trobadores medievais que, como Meendinho, dedicaron as súas cantigas a San Simón e á ría de Vigo. Grazas ás narracións do escritor Joaquín Dicenta coñecemos tamén a vida cotiá no lazareto durante un dos períodos decisivos na historia da illa, e foron incontables os novelistas, poetas, escultores ou músicos de todos os tempos que nela atoparon a forza evocadora para as súas composicións. A Batalla de Rande Quizais fosen as súas óptimas condicións naturais ou a súa proximidade á cidade de Vigo os factores que motivaron que a illa fose testemuña de numerosos acontecementos violentos provocados por conflitos territoriais e incursións armadas. Un dos episodios máis coñecidos e a batalla de Rande, na que o arquipélago viuse inmerso o 23 de outubro do ano 1702, cando unha flota armada anglo-holandesa atacou as naves españolas e francesas na enseada de San Simón, en plena Guerra da Sucesión. Os galeóns españois cargados co maior envío que se coñecía de tesouros procedentes de América, entraron en Vigo o día 22 de setembro de 1702. Refuxiáronse no fondo da ría, pero os anglo-holandeses descubriron o agocho do prezado cargamento. Os españois estaban preparados para a incursión, protexidos pola escuadra francesa, con canóns en terra e cadeas cruzadas na ensenada para impedir a entrada dos buques inimigos. Finalmente, o 23 de outubro comezou a batalla. Os anglo-holandeses conseguiron conquistar as defensas de terra cun ataque anfibio logrando unha vitoria que se repetiría no mar tras menos de dez horas dun combate, que deixou os navíos franceses en chamas e abriu unha vía libre para chegar aos cobizados galeóns españois cargados de tesouros. Os españois afundiron os seus barcos e hai historiadores que afirman que foron tragados polo mar con parte da súa prezada carga a bordo. Os atacantes vitoriosos non puideron evitar, á súa partida, que encallase o único galeón apreixado, que finalmente afundiría na saída da ría de Vigo, alimentando dese modo a lenda. Antes de abandonar a enseada os ingleses saquearon a illa de San Simón e, segundo relata Frei Jacobo de Castro, acoitelaron as imaxes dos santos e queimaron a igrexa. Tan célebre foi a batalla de Rande que Vigo gañou unha rúa en Londres para lembrar a vitoria británica na súa ría. Ademais, esta contenda é quizais a maior fonte de lendas relacionadas coa enseada e a illa de San Simón. O mito do tesouro segue vivo e non só reparou nel Jules Verne. Ao longo da historia sucedéronse as expedicións para buscar o ouro dos vellos galeóns que repousan no fondo da ría.

 

BATALLA DE RANDE

A batalla de Rande é un dos fitos navais da nosa historia, e tamén a máis importante lenda da ría de Vigo. O combate librouse no espazo que hai entre o estreito de Rande e a Enseada de San Simón – 23 de outubro de 1702 -, entre as coalicións anglo-holandesa e hispanofrancesa, durante a Guerra de Sucesión Española. Aínda que aquilo foi un gran desastre, a batalla elevou o nome de Rande e de Vigo ao ámbito literario. O propio Xulio Verne, quen visitou nun par de ocasións a Ría de Vigo, relata na súa obra “20.000 leguas de viaxe submarina” cómo o seu protagonista o Capitán Nemo achegábase ata Rande no seu submarino Nautilus para abastecerse dos tesouros afundidos.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies