·Publicidade ·spot_img
InicioBaixo MiñoA GuardaRecepción e recoñecemento ao Mecalia Guardés no Pazo Provincial de Pontevedra

Recepción e recoñecemento ao Mecalia Guardés no Pazo Provincial de Pontevedra

Recepción e recoñecemento ao Mecalia Guardés no Pazo Provincial de PontevedraA presidenta Carmela Silva agradeceu o enorme esforzo que o equipo feminino de balonmán da Guarda fai por acadar triunfos que fan que a provincia sexa “un pobo grande, recoñecido e referenciado. Sodes moi grandes”

O club Atlético Guardés, un dos maiores expoñentes do balonmán feminino da provincia e do estado, afronta unha nova temporada cheo de optimismo e ilusión, sensacións que compartiron tamén hoxe a presidenta da Deputación, Carmela Silva, e o deputado de Deportes, Gorka Gómez, quen recibiron a súa directiva, equipo técnico e a unha representación das xogadoras no Pazo Provincial de Pontevedra, un lugar que a presidenta definiu como “a casa do deporte”. O afecto, o recoñecemento e os agradecementos estiveron presentes no encontro, que finalizou coa entrega de obsequios ao equipo e cunha especialísima lembranza de Fran Teixeira, “un xigante do balonmán, un defensor do deporte e un amigo”, mención especial que foi compartida por todas e todos.

Carmela Silva felicitou ao equipo que ven de pechar unha temporada extraordinaria conseguindo o sub campionato da Liga Guerreiras e xogando as semifinais da Copa EHF europea e da Copa das Raíña. A presidenta destacou que o Guardés forma parte da nosa provincia e “fai que sexamos un pobo grande, recoñecido e referenciado a nivel estatal e internacional” á vez que leva o nome da Guarda a todos os lugares nos que xoga. Por isto quixo dar as grazas á directiva, “sei os esforzos que estades a facer”, ao corpo técnico e moi particularmente ás xogadoras “que son unhas cracks, o exemplo que a sociedade necesita para visibilizar que a mulleres son capaces de converterse en verdadeiras heroínas”. A presidenta provincial é consciente que “todo apoio é pouco porque os esforzo que facedes é moi grande e espero que manteñamos e melloremos a relación que temos”. Neste senso, Carmela Silva lembrou que é unha obriga da Deputación “apoiar o deporte e particularmente ao deporte feminino xa que é un elemento fundamental para construír sociedades mellores”. Ademais, manifestou as súas ganas de “sentir o deporte de preto” e asegurou ao equipo que se achegaría aos primeiros partidos para “poñerme a camiseta con vós”.

O presidente Jesús López deixou claro que sen o apoio da Deputación “o soño tan bonito que temos non sería posible”

As e os representantes do club amosáronse agradecidos co apoio que brinda a Deputación e non esconderon o orgullo que para todas elas e eles supón representar á provincia de Pontevedra. Neste senso, o presidente do club, Jesús López, asegurou que sen o ente provincial “o soño tan bonito que temos non sería posible” e fixo un repaso das próximas citas importantes do club, especialmente a competición europea na que volverán a competir, citas nas que está seguro de que “as xogadoras van a dalo todo”.

Tamén falou José Ignacio Prades, adestrador do Atlético Guardés e segundo adestrador da Selección Española Feminina, para quen “cada ano é máis difícil superar ao anterior” e espera que “nesta temporada poidamos pelexar con todo o mundo e competir en cada partido”.

Pola súa banda, Marisol Carratu, primeira capitana, destacou o “afecto tan próximo que brinda esta provincia ás xogadoras, que na maioría somos de fóra” e deixou claro que “imos estar á altura das circunstancias e demostrar en cada adestramento que o estamos dando todo para despois plasmalo na pista e conseguir logros”.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies