Inicio Val Miñor Nigrán Persoas con autismo da Fundación Menela fan o Camiño Portugués da Costa

Persoas con autismo da Fundación Menela fan o Camiño Portugués da Costa

Increméntase notablemente o número de peregrinos que realizan o Camiño Portugués da CostaEsta é unha iniciativa da Fundación Menela, que forma parte do Teu Xacobeo, programa impulsado pola Xunta de Galicia a que conta co apoio do Concello de Nigrán.

A Fundación Menela, a Xunta de Galicia e o Concello de Nigrán presentaron hoxe en rolda de prensa, o «Proxecto Xacobeo Autismo. Un camiño de todos», a través do cal, 20 persoas con Trastorno do Espectro do Autismo (TEA), usuarias do Centro de Día e Residencial Castro Navás (Priegue-Nigrán) da Fundación Menela e acompañadas por 10 voluntarios, realizarán en 7 etapas un tramo do Camiño Portugués da Costa.

O acto contou coa presenza do director xeral da Fundación Menela, Cipriano Luís Jiménez, do alcalde de Nigrán, Juan González, do director Xeral de Políticas Culturáis, Anxo Lorenzo e da Directora do centro de Día e residencial, Pilar Pardo.

O Teu Xacobeo, trátase dunha acción coordinada pola Fundación Menela, a través da cal persoas con Trastorno do Espectro Autista (TEA) poderán realizar sete etapas do Camiño Portugués da costa. As etapas se realizarán entre o 17 de setembro e 11 de outubro.

Persoas con autismo da Fundación Menela fan o Camiño Portugués da Costa
Pilar Pardo, Anxo Lorenzo, Juan González e Cipriano Luís Jiménez,

 

As etapas de Xacobeo Autismo arrancarán no municipio da Guarda ata Portocelo (O Rosal), continuarán polo municipio de Oia, Mougás (Oia), Cabo Silleiro, Baiona, A Ramallosa e rematarán en Nigrán o día 11 de outubro. No final de cada unha das etapas, establecerase un punto informativo sobre o Trastorno do Espectro Autista e sobre os servizos, programas e axudas que existen para mellorar a vida destas persoas e as súas familias.

“Nos creemos que o básico deste proxecto é a diversidade, entendendoa como que o mundo e diverso, a natureza é diversa, os seres humanos somos diversos e a discapacidade, neste caso o autismo forma parte desa diversidade” subliñou o director Xeral da Fundación Menela.

O proxecto invitará en cada unha das etapas a centros educativos e colectivos sociais dos concellos polos que pasarán os peregrinos a sumarse á iniciativa. A Fundación Menela establecerá ao final de cada etapa un punto informativo sobre o Trastorno do Espectro do Autismo e sobre os servizos e programas cos que conta a Fundación para mellorar a calidade de vida das persoas con TEA, as súas familias e os profesionais que traballan con eles en diferentes ámbitos.

ACCESIBILIDADE COGNITIVA

Durante a realización do Camiño Portugués da Costa, as persoas con TEA e os profesionais que os acompañan realizarán unha revisión da sinalización de espazos, percorridos, información ao peregrino, etc., que faciliten a identificación e realización do Camiño. O resultado deste traballo exporase nos concellos da Guarda, Baiona e Nigrán, nun acto aberto a sociedade en xeral, no que ademáis da proposta do plan de sinalización, informarase de importancia da accesibilidade cognitiva para as persoas con autismo e outras discapacidades.

Anxo Lorenzo, Juan González e Cipriano Jimenez, acompañados de 3 concelleiras de Nigrán que tamén asistiron ao acto.

O PROGRAMA. O Teu Xacobeo

O teu Xacobeo programa máis de 350 proxectos vinculados ao Camiño de Santiago que fomentan aspectos sociais, culturais, deportivos, patrimoniais e gastronómicos. Máis dun centenar de concellos acollen as accións programadas. Esta convocatoria de proxectos ten como fin implicar á sociedade no impulso e programación do vindeiro Ano Santo, así como a súa descentralización por todo o territorio. A convocatoria de axudas espertou un grande interese por parte dos galegos de xeito que a Xunta recibiu 652 solicitudes. Dado o éxito da proposta, o Goberno autonómico decidiu aumentar os 2 millóns de euros iniciais a un total de 4,7.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies