O operador de telefonía móbil xaponés NTT Docomo anunciou este xoves que comercializará a finais de maio o primeiro “smartphone” con tecnoloxía de recoñecemento do iris que permite desbloquear o terminal ou realizar pagos
O modelo Arrows NX F-04G desenvolvido pola nipoa Fujitsu utiliza unha cámara frontal infravermella e unha luz LED infravermella para iluminar o ollo do usuario e verificando o seu patrón do iris único.
Esta tecnoloxía de identificación biométrica permite substituír os contrasinais convencionais para realizar accións como desbloquear o terminal, rexistrarse en aplicacións e realizar pagos a través do teléfono móbil unicamente cos ollos.
Polo momento o seu lanzamento só está confirmado en Xapón.
A parte desta tecnoloxía pioneira, o móbil funciona con sistema operativo Android 5.0 Lollipop, posúe 3 GB de memoria RAM, 32 GB de almacenamento e pantalla de 5,2 polgadas.
O pasado mes de marzo, durante o Mobile World Congress (MWC), a compañía nipoa afirmou que a súa tecnoloxía de recoñecemento ocular é dez veces máis precisa que a detección da pegada dactilar.
Outras compañías, como a chinesa Vivo e a surcoreana Samsung están a traballar para incorporar técnicas similares aos seus dispositivos.
REPÚBLICA/EFE
