O subdelegado do Goberno en Pontevedra, Antonio Coello Bufill, copresidió, xunto co alcalde, Javier Bas Corugeira, a reunión da Xunta Local de Seguridade de Redondela, á que tamén asistiron representantes municipais, do Corpo Nacional e da Policía Local.
Durante a reunión mantida, púxose de manifesto o descenso da actividade delincuencial que se produciu durante o nove primeiros meses do ano, reflexo da eficacia de todos os axentes que participan na seguridade desta zona da provincia.
Ademais, constatouse o bo funcionamento dos dispositivos especiais que se pon en marcha debido á celebración, neste concello, dalgúns eventos multitudinarios como o Entroido de Verán ou a Festa da Coca.
Durante o encontro informouse tamén do satisfactorio desenvolvemento tanto do Plan de Lecer como do Plan Director. O primeiro está centrado no control de establecementos que poden dispensar bebidas alcohólicas a menores e o segundo está orientado aos centros de educación, para previr o consumo de alcol e drogas entre os mozos, así como fomentar o bo uso das novas tecnoloxías e evitar o acoso escolar. Dentro deste último programa, impartíronse 9 charlas informativas en distintos centros do municipio das que puideron beneficiarse máis de 500 persoas.
