O pasado venres tivo lugar no salón de plenos do Concello a presentación da redacción do Plan de Mobilidade Sustentable do Concello do Rosal (PMUS) por parte da empresa adxudicataria “Taller de estrategias ciudadanas”. A redacción do Plan foi subvencionada pola Deputación de Pontevedra mediante unha liña de subvencións creada para que os concellos redacten os PMUS como ferramenta fundamental para a planificación e toma de decisións, así como para poder acceder a fondos europeos de mobilidade sustentable.
¿EN QUE CONSISTE O PLAN?
No Concello están a analizar a mobilidade de O ROSAL, como parte do proceso de implantación do PLAN DE MOBILIDADE URBANA SUSTENTABLE (PMUS).
Os responsables do proxecto destacan que obxectivo deste PMUS é atopar, entre todos, maneiras de mellorar a mobilidade no concello: facela máis sustentable ecolóxica e economicamente, aumentar a eficiencia no sistema de desprazamentos e facilitar hábitos máis respectuosos co medio ambiente e que melloren o aproveitamento dos recursos, ademais de en facela accesible a todos de xeito seguro, reducindo as barreiras arquitectónicas e mellorando a relación entre o peón e o coche, así como o acceso aos transportes públicos.
Para conseguir isto estudarán durante os próximos meses, con distintas metodoloxías, os desprazamentos a pé, en bicicleta, en vehículo privado ou no transporte público…
Neste enlace podedes acceder a un cuestionario de carácter anónimo que aportará información de utilidade para analizar a tipoloxía dos desprazamentos dentro do municipio:
ENQUISA ONLINE PLAN DE MOBILIDADE SUSTENTABLE DO CONCELLO DO ROSAL (PMUS)
¿EN QUE CONSISTE ESTE CUESTIONARIO?
É moi útil porque aporta información sobre os desprazamentos habituais, aparcamento, e sobre as preferencias no modo de transporte. Búscase recoller informacións importantes que soamente teñen veciños, por seren os principais expertos no funcionamento diario do lugar. Estas informacións, xunto coas achegas feitas durante as actividades de participación, axudarannos a redactar un plan máis realista e adaptado ás necesidades reais das persoas.
¿QUE PASARÁ DESPOIS?
A información aportada pola veciñanza, xunto coas tomas de datos e análise
técnicas, servirán para preparar estratexias e propostas concretas que pasarán
a formar parte do plan. Estas propostas estarán integradas nas liñas de
actuación financiable pola Unión Europea no marco dos Fondos Estructurais e de
Inversión Europeos, Horizonte 2020, o mecanismo “Conectar Europa” e outros
instrumentos de subvención estatais e autonómicos. O PMUS entregarase ao
concello como documento de base para a toma de decisións e a busca de
financiación en materia de mobilidade. Así mesmo, os Plans de Mobilidade dos
concellos da provincia serán recompilados e analizados pola Deputación de
Pontevedra para elaborar estratexias conxuntas de mellora da mobilidade e de
integración territorial a escala provincial.
¿COMO RESPOSTAR?
– Poden contestar á enquisa todas as persoas maiores de 12 anos de idade
residentes en O Rosal, ou visitantes habituais. Os menores entre 12 e 16 anos é
preferible que o fagan coa axuda dunha persoa adulta, pero sen que esta
conteste por eles.
– É necesario dar resposta a todas as preguntas do formulario (agás as
referidas ao uso do coche se non posúe un).
– Pódense consultar as dúbidas directamente á equipa técnica a través deinfo@tallerdeestrategias.com.