O equipo feminino do Club Piragüismo Penedo Te Importa alcanzou a terceira posición no 1º torneo da XXI Liga de Kaiak Polo 2019
O equipo feminino do Club Piragüismo Penedo Te Importa alcanzou a terceira posición no 1º torneo da XXI Liga de Kaiak Polo 2019, que se celebrou durante a pasada fin de semana na piscina do Parque Deportivo Porta de Hierro en Madrid.
O conxunto galego xogaba o partido polo terceiro e cuarto posto despois de caer en semifinais por un axustado 2 a 3 contra o equipo de Alaquás. Dúas horas despois enfrontábanse ao Club Madrileño Ciencias que venceron por un gol de diferenza despois dos minutos regulamentarios, terminando o partido cun 3 a 4 para o Penedo Te Importa.
Neste mesmo torneo participaba o equipo masculino do Club Náutico Rodeiro que ocupou o último lugar da clasificación xeral.