O equipo ALEVÍN do CB Nigrán proclamouse onte campión de Liga tras gañar o seu último encontro no pavillón do CPI de Panxón despois dunha exitosa tempada na que o conxunto nigraniense mantívose invicto desde o inicio da mesma.
Trátase do primeiro título de Liga para o CB Nigrán desde que a actual directiva retomase a actividade deportiva do club fai agora tres anos.
O equipo campión de Liga está formado por un total de 10 xogadores e xogadores que proveñen das escolas deportivas que o CB Nigrán teñen nos diferentes colexios do municipio , neste equipo en concreto maioritariamente dos colexios de Cruz Imos e Carlos Casares de Vilariño, e que despois de recibir unha formación inicial dentro das actividades que o club leva a cabo no propio centro educativo,decidiron federarse e empezar así a competir na liga correspondente.
O presidente do Club, Enrique Villar, felicitou onte ao equipo pola fantástica tempada realizada destacando a grandisima progresión que tiveron partido a partido.
