O Concello de Tomiño organiza, en colaboración con Unicef Galicia, un pleno infantil, co fin de conmemorar o Día Internacional da Infancia 2016 e o 27 aniversario da Convención sobre os Dereitos do Neno (CDN).
Será o vindeiro venres, 18 de novembro, ás 12 da mañá na Casa da Cultura e terá unha duración de 1 hora e media aproximadamente.
Asistiran 4 ou 5 nenos/as de cada colexio e 2 do IES, sumando uns 30 participantes (máis o público).
De parte do Concello asistirán a alcaldesa, e as concelleiras de Cultura e Mocidade.
Sandra González, alcaldesa de Tomiño, dará a benvida aos estudantes e fará unha breve introdución, falando da importancia de que os escolares propoñan melloras para o cumprimento da CDN a través de accións participativas coma un pleno.
A rexedora dará paso á reflexión de cada centro sobre un tema relacionado coa conmemoración do día, no que traballaron previamente.
Despois das reflexións, farase unha valoración xeral dos traballos e pecharase a sesión cunha foto de todas as persoas asistentes.
