Inicio Alto Minho O bo tempo acompañou a segunda proba do Open de España de...

O bo tempo acompañou a segunda proba do Open de España de Enduro Big Ride Eurocidade

segunda-proba-do-open-de-espana-de-enduro-cannondale-big-ride-powered-by-rotor-eurocidade

O portugués do equipo BH Gravity Team, José Borges conseguiu a vitoria na segunda proba do Open de España de enduro celebrada en Tui e Valença e sitúase líder do open, do mesmo xeito que a estoniana Maaris Meier.

Este domingo disputouse na Eurocidade Tui-Valença a segunda proba do Open de España de Enduro Cannondale Big Ride Powered By Rotor, onde 200 corredores déronse cita, baixo un día espléndido, para disputar no monte Aloia e no Monte Faro a Big Ride Eurociade.

A xornada comezaba ás 9:30 da mañá no paddock da Macoca e os corredores encamiñábanse cara ao Monte Faro en Valença para encarar o Tramo 1, un tramo longo de aproximadamente 4km e que foi o que marcou o desenvolvemento de toda a proba, xa que foi neste tramo onde o portugués José Borges marcaba o mellor tempo deixando aos seus rivais a 7 segundos, unha vantaxe que administrou aos longo dos tramos que xa discorreron por terras galegas do Monte Aloia.

Unha proba a Eurocidade que segundo os propios corredores consistía en “2 tramos longos e moi técnicos e 2 tramos curtos e divertidos”.

segunda-proba-do-open-de-espana-de-enduro-cannondale-big-ride-powered-by-rotor-eurocidade

Con esta vitoria José Borges e tras a ausencia do tamén portugués Emanuel Pombo vístese co malliot de líder deste Open de España de Enduro e que tras finalizar a proba comentaba “un dos seus obxectivos este ano é gañar o Open de España de Enduro”e hoxe en Eurocidade a clave foi “a técnica e o pedaleo nuns tramos longos que me gustan”

Borges estivo acompañado no pódium polo catalán Pol Romeu (The Bike Village-Giant) e o cántabro José Antonio Dez Arriola, un Arriola que chegaba con confianza a Tui e xa sinalaba ao comezo do día que “o tramo 1 sería o tramo complicado deste Big Ride” e que o seu obxectivo era “acabar entre os 5 primeiros clasificados”.

Pola súa banda Pol Romeu mostrábase contrariado porque unha caída no barro no tramo 1 afastoulle da vitoria final e sinalaba “nunca me gustou quedar segundo e menos como foi hoxe” pero por outra banda estaba contento “por ser o primeiro español clasificado”.

Tamén hai que destacar a actuación do raider local, o tudense Rubén Rodríguez e actual líder do Open Galego de Enduro, do equipo Intense que logrou acabar en 4 posición a tan só 2 segundos de Arriola e que foi capaz de superar os problemas tidos no tramo 2.

segunda-proba-do-open-de-espana-de-enduro-cannondale-big-ride-powered-by-rotor-eurocidade

No apartado feminino a andaluza Miriam Alcántara de Cannondale acabou en terceira posición por detrás de Marketa Michalkova e a vencedora de Big Ride Eurociade a estoniana Maaris Meier que do mesmo xeito que Borges ponse líder do Open de España de Enduro e sinalaba que “Big Ride Eurocidade é a súa proba favorita de todo o Open de España” e que “gustoulle o tramo 3 por ser o máis rápido de todos”.

Hai que destacar a gran actuación do corredor catalán Master 40 Carles Barcons, unha lenda do Mountain Bike nacional, que logrou acabar nunha meritoria 5 posición da xeral, marcando o mellor tempo no complicadísimo tramo 3 e que ao finalizar mostrábase “supercontento por poder gañar o tramo 3, un tramo moi completo e físico, no cal me fun crecendo a medida que ía baixando”. Un Carles Barcons que estivo acompañado no pódium por Karim Amour.

Esta edición do Big Ride Eurocidade estivo marcada polo bo tempo e un circuíto técnico e divertido con 4 tramos cronometrados nun percorrido de case 50km e 1800 metros de desnivel acumulado e onde a calidade dos corredores tanto nacionais como internacionais estivo presente.

O Open de España tras un fin de semana en terras galegas e portuguesas segue o seu camiño e a próxima parada será no mes de xuño os días 25 e 26 en Morella na Comunidade Valencia, pobo da provincia de Castelló e que é cruzamento de camiños, entre o Val do Ebro e o Mediterráneo, enlazando Cataluña, Aragón e Valencia, e que é a nova sede deste ano do Open de España de Enduro.

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies