Procedentes de Santiago e de varios municipios das provincias de Ourense e Pontevedra, máis de 400 judokas déronse cita onte no Pavillón Municipal de Deportes de Gondomar na I Xornada da Fase Sur Alevín e Infantil do XOGAJUDO que organizou a secretaría xeral para do Deporte da Xunta, en colaboración coa concellería de Deportes do Concello de Gondomar e a Federación Galega de Judo.
O evento, que se organiza por terceiro ano consecutivo en Gondomar foi presenciado por ao redor de 1.200 afeccionados. A xornada foi seguida en directo polo Alcalde de Gondomar, Paco Ferreira, así como o Xefe do Servizo Provincial para o Deporte da Xunta de Galicia en Pontevedra, Daniel Benavides Alonso que ao finalizar o evento fixeron a entrega de medallas a estas novas promesas do deporte galego.
Actualmente, en Gondomar unha trintena de nenos e nenas fórmanse nesta disciplina deportiva e adestran cada venres na Escola Deportiva que promove a Deputación de Pontevedra
