A concelleira de Deportes, Mª Jesús Martins Passos, acudiu á Praia Ladeira para dar a benvida aos máis de 60 nenos e nenas que comeza hoxe as actividades da ‘Semana Azul 2016’ enmarcada dentro da Campaña Escolar de Fomento de Deportes Naúticos que organizan a Concellería de deportes e a Actividades Marítimas do Concello de Baiona.
As novas instalacións de wetsport en Ladeira e a propia praia da Ladeira serán os escenarios nos que o alumnado levarán a cabo as actividades.
“É un pracer como Concelleira de Deportes comprobar in situ o entusiasmo e a ilusión que desbordan estes pequenos e pequenas. A Semana Azul é esperada con moito desexo polos baioneses e ten unha gran acollida. Proba diso é que ao longo do día de hoxe, o vindeiro luns e martes máis de 180 alumnos practicasen deportes náuticos na nosa baía. Desde o Concello temos desde hai anos un gran compromiso por fomentar o deporte e este tivo calado entre a nosa poboación, ás cifras de partición remítome”, destacou Mª Jesús Martíns Passos.
Nesta nova campaña do 2016, presenta moitas novidades e a primeira é a aglutinar a mesma en tres días en xornada de mañá e tarde e onde os participantes poderán desenvolver e penetrarse en deportes náuticos como os seguintes; Ver lixeira, Pádel surf, windsurf e piragüismo.
A idea é realizar xornadas continuas onde os participantes pasarán desde as 11.00 h ata as 18.00 h realizando deportes náuticos facendo unha breve parada ao medio día para tomar un bocadillo e repoñer forzas.
A Campaña consta de dous prazos de inscrición, o primeiro iníciase o 1 de xuño para os escolares dos centros públicos de Baiona e un segundo para partir do día 15 de xuño para o resto de escolares que queiran participar. Poderán participar todos aqueles interesados que cumpran os seguintes requisitos; saber nadar e ter entre 10 e 18 anos.
O día 23 de xuño para escolares de 10 a 12 anos.
O día 27 de xuño para escolares de 13 a 14 anos.
O día 28 de xuño para escolares maiores de 15 anos.
A Campaña Escolar de Fomento de Deportes náuticos é totalmente gratuíta, que a través, do Concello de Bayona subvenciona a totalidade dos cursos así como as licenzas federativas para os escolares participantes.
A Campaña conta coa colaboración de entidades como O Monte Real Club de Yates de Baiona, Club Piragüismo Baiona, WestSport Ladeira e Cocacola que grazas ás súas colaboracións é posible realizar un proxecto de tanta envergadura e importancia como o que se presenta.
Coa posta en marcha da Semana Azul do 2016, tamén se abre o período de inscricións para todos aqueles interesados en realizar algún curso de iniciación das actividades deportivas náuticas que para o presente período de verán ten previsto desenvolver o Concello de Baiona que son: Vela Lixeira, Windsurf, Piragüismo e paddel surf.
