Inicio Val Miñor Gondomar Gondomar será obxecto de estudo para as futuras xeracións de arquitectos

Gondomar será obxecto de estudo para as futuras xeracións de arquitectos

Gondomar, será obxecto de estudo para as futuras xeracións de arquitectosO goberno local do municipio colaborará coa Escola de Arquitectura de Galicia da Universidade da Coruña polo que preto de 120 alumnos desta institución académica desenvolverán a materia de proxectos, correspondente ao segundo ano de carreira, na localidade do Val Miñor.

Os docentes encargados de impartir a materia desprazáronse ata Gondomar para coñecer “in situ” os posibles proxectos sobre os que traballar e recoñeceron “querer traballar en Gondomar porque ten moitísimas posibilidades arquitectónicas e de desenvolvemento”.

Neste sentido explicaron ao alcalde da vila, Francisco Ferreira, o obxectivo da iniciativa que se podería desenvolver ao amparo dun convenio, e que pasaría polo feito de que os alumnos realicen os seus traballos centrados en dous ámbitos de actuación: no primeiro cuadrimestre, traballando sobre espazos naturais, e, nun segundo, centrando a actividade docente en núcleo urbano.

Ferreira mostrou “total disposición pola nosa banda a colaborar con proxectos que non só apostan polas novas xeracións, se non que van máis aló, por ser unha aposta clara a favor da formación e neste caso da recuperación da nosa contorna e a nosa historia”

Neste sentido expuxéronse na reunión distintas ideas sobre as que poder traballar a partir do próximo curso cos alumnos que cursen a materia: o antigo cinema do municipio, a contorna dos muíños ou a zona verde do Pazo do Conde de Gondomar son algunhas das ideas que se expuxeron.

“Queremos documentar o que fagamos, vimos investigar e podemos dicir que esa investigación é a calidade que impoñemos sempre no noso traballo”,afirmou Luís Muñoz, un dos docentes e coordinador da unidade de investigación “ Paisaxe, Arquitectura e Cidade” ( pARQc) , que lembrou que o resultado dos estudos que se realicen durante o curso publicaranse, tal e como se fixo en concellos como o de Sada, co que xa se colaborou.

Non descartan por outra banda a posibilidade de impartir seminarios concretos sobre a figura do arquitecto Xosé Bar Boo, arquitecto municipal no concello e referente do movemento moderno na arquitectura galega. A Cámara Agraria, a Praza de Abastos ou o antigo cinema son algúns dos exemplos do seu traballo.

- Publicidade -

ÚLTIMA REVISTA

+ VISTOS

SÍGUENOS

693FansGóstame
311SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies