O Conservatorio Elemental de Gondomar inicia os actos de homenaxe mañán día 16 de Maio ás 19:00h no Auditorio Lois Tobío, cun concerto adicado ó escritor en colaboración cos alumnos do CEIP Carlos Casares de Vilariño (Nigrán).
O concerto contará coa estrea da obra “Amemos” para coro e orquestra, con texto de Carlos Casares e Composición de Patricia Goberna.
O vindeiro 17 de maio, Día das Letras Galegas, o Concello de Gondomar e o Instituto de Estudos Miñoráns, a través da concellería de Cultura, homenaxearán a Carlos Casares, miñorán de adopción, cun acto amenizado polo grupo musical, nesta ocasión en formato trío, 2naFronteira (cuxo amplo repertorio incluirá algún poema do escritor celebrado) e dirixido por Marta Dacosta, que irá dando paso a outras actividades, entre as que sobresae a lectura pública de textos do autor homenaxeado. Cómpre tamén salientar a proxección do vídeo Do Vilariño ao Carlos Casares, elaborado polo alumnado e o profesorado do CEIP Carlos Casares, de Vilariño (Nigrán).
O acto comezará ás 19:30h no auditorio municipal Lois Tobío de Gondomar.
