Inicio Galicia A Coruña Galicia contra o plástico! Greenpeace realizará unha recollida de plásticos para denunciar...

Galicia contra o plástico! Greenpeace realizará unha recollida de plásticos para denunciar ás empresas que contaminan o medioambiente

Galicia contra o plástico! Greenpeace realizará unha recollida de plásticos para denunciar ás empresas que contaminan o medioambiente

O próximo 16 de marzo o voluntariado de Greenpeace estará a recoller envases de plásticos na Coruña, Pontevedra e Santiago de Compostela co obxectivo de realizar unha auditoría dos envases plásticos que hai nestas costas e no medio ambiente, e demandar ás empresas o fin de envases plásticos de usar e tirar, que non se responsabilizan da súa reciclaxe, e ás administracións unha regulación máis esixente. O mesmo sábado van realizar recollidas de plásticos noutras 15 localizacións en todo o territorio español dentro da campaña de Greenpeace contra os envases plásticos dun só uso que empregan as compañías

CONVOCATORIA

A Coruña

¿Dónde? Playa de As Lapas

¿Cuándo? De 11:00 a 14:00 horas

Pontevedra

Onde? Praia de Lourido (Poio)

Cándo? De 10:30 a 14:00 horas

Santiago de Compostela

¿Dónde? Parque Eugenio Granell ¿Cuándo?

De 10:30 a 15:00 horas

Campaña “Maldito Plástico”

Greenpeace lanzou o pasado 5 de marzo a campaña “Maldito Plástico” na praia de Gaztelugache (Biscaia) -localización real de Rocadragón, en Xogo de Tronos-, instalando alí un gran dragón que cuspía plásticos, para denunciar a avalancha plástica que sofren o noso mares e océanos.

Días máis tarde presentouse o informe‘Maldito Plástico: reciclar non é suficiente’ que demostraba que apenas se recuperan o 25,4% dos envases plásticos que se consomen en España, lonxe das cifras oficiais publicadas pola Administración ou os sistemas integrados de xestión de residuos.

Como parte da mesma campaña “Maldito Plástico”, a pasada fin de semana levou a cabo a primeira recollida de plásticos na praia de Ereaga ( Getxo) xunto co modelo internacional Jon Kortajarena. A acción, á que asistiron centos de persoas, serviu para recoller plásticos desta zona costeira e demostrar que nin o sistema de reciclaxe funciona correctamente nin as empresas están a responsabilizarse dos envases plásticos que empregan nos seus produtos.

Ademais, Greenpeace entrou esta mesma semana no macrovertedero de Valdemingómez (Madrid) denunciando a insustentable xestión dos envases plásticos e despregando unha pancarta xigante de 30×12 metros co lema “Maldito plástico” para denunciar unha vez máis como as empresas e marcas que producen, distribúen e venden envases de plástico non se están responsabilizando da recuperación e reciclaxe dos mesmos.

Greenpeace esixe menos produción ás empresas, máis regulación ás administracións e a colaboración da cidadanía como consumidores/ as. Precisamente, mañá celébrase o Día do Consumidor e, como tales, temos un gran poder, xa que podemos esixir tanto a marcas como supermercados que nos proporcionen alternativas reutilizables, rellenables, ou recargables para frear este problema.

Un modelo baseado só na reciclaxe é evidente que non funciona, xa que o sistema tocou teito hai tempo. Este tense que complementar con recollidas selectivas de residuos máis eficientes, como a recolleita porta a porta, o pago por xeración ou un sistema de devolución e retorno, que son a única vía para volver ter envases reutilizables de forma masiva.

En ningún caso Greenpeace pide deixar de separar os nosos residuos para que poidan ser reciclados, pero si advirte que é necesaria unha redución do consumo de envases de usar e tirar e apostar masivamente pola reutilización dos mesmos, se queremos comezar a loitar contra a contaminación plástica que sofre o noso planeta.

- Publicidade -

ÚLTIMA REVISTA

+ VISTOS

SÍGUENOS

691FansGóstame
306SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies