Inicio Pontevedra Festa e glamour na III Gala Anual de Turismo Rías Baixas. Unha...

Festa e glamour na III Gala Anual de Turismo Rías Baixas. Unha gala de cine para unha provincia de película

Grupo de Danza “Media Punta”

A Deputación rendeu homenaxe en Vigo ao turismo da provincia nun evento que nomeou a Emma Lustres primeira Embaixadora de Rías Baixas e distinguiu ao sector cos selos SICTED

Non faltou un detalle para que a III Edición da Gala Anual de Turismo Rías Baixas non tivera nada que envexar a calquera cerimonia de entrega dos Premios Goya o incluso dos Oscar de Hollywood. O glamour, as luces, as emocións, a música, a modernidade e o humor encheron esta tarde o Auditorio Mar de Vigo, vestido para a ocasión por todo o alto,  con photocall, alta tecnoloxía, alfombra vermella e invitadas e invitados de luxo. Todo elo para render homenaxe ao turismo dunha provincia de película como é Pontevedra. Ao evento, organizado pola Deputación, asistiron numerosas autoridades entre elas o alcalde de Vigo, que exerceu de anfitrión, a presidenta da Deputación, Carmela Silva, deputadas e deputados, alcaldes e alcaldesas, e representantes do mundo de turismo, da cultura, da sociedade, da gastronomía e da política da provincia. A Gala fixo todo un recoñecemento ao sector turístico coa elección da primeira Embaixadora das Rías Baixas, a entrega dos selos SICTED a 139 empresas, e a presentación da campaña “Fame de Experiencias”, centrada este ano na enogastronomía.

Emma Lustres recibe un agasallo de Carmela Silva

Emma Lustres, fundadora e directora executiva de “Vaca Films” a premiadísima produtora galega, que só este ano logrou tres Goya  e varios Mestre Mateo pola película “La Sombra de la Ley”, foi o nome que contiña o sobre pechado co nomeamento de primeira Embaixadora de Rías Baixas. Lustres tivo que subir ao escenario cando o misterio foi desvelado pola presidenta da Deputación. A xa Embaixadora, que recibiu como agasallo unha “particular interpretación en cerámica dunha camelia” da artesán viguesa Ana Tenorio, mostrou a súa emoción polo título e se comprometeu a representar “a esta marabillosa provincia de Pontevedra”

Carmela Silva se referiu a Emma Lustres como “a personificación do poderío das mulleres na nosa provincia, do talento e da paixón polas cousas ben feitas. Era imposible ter mellor embaixadora que ela, é unha honra porque leva a nosa provincia e a Rías Baixas alá onde vai, e ela é das que vai a todos os lugares co éxito detrás de cada proxecto que lidera” .

Na súa intervención, a presidenta da Deputación fixo un percorrido “polas paisaxes, camiños a Compostela, festas e experiencias para os cinco sentidos que temos na provincia”, e invitou ao mundo “a que nos visite, que veña a este paraíso para saciar a súa Fame de Experiencias. Que as vivan, o conten e repitan”, dixo.  Tamén agradeceu “as empresas que apostan pola calidade que contribúen a consolidar e prestixiar o noso destino”, e recoñeceu especialmente ás persoas que fan posible a enogastronomía, ás produtoras e produtores nos que se inspira a campaña deste ano da Deputación. “Detrás dese éxito hai moita xente, traballadoras e traballadores do marisqueo, a pesca, a gandería, a produción vitivinícola, o campo, a distribución e a restauración que producen e serven a mellor materia prima da nosa gastronomía”.

Silva sinalou que “vivimos nun tempo novo no sector turístico, de grandes desafíos e oportunidades, e estamos moi ben posicionados. Temos un destino de costa e interior único, cunha gastronomía de excelencia e un patrimonio e unha cultura extraordinarios. Temos un sector turístico fortemente profesionalizado e unha administración como a Deputación entregada para acadar o noso obxectivo xunto cos concellos e o sector privado”.

No transcurso da Gala, fíxose todo un recoñecemento ao turismo da provincia , xa que ata 139 empresas do sector recibiron o certificado SICTED, o distintivo que premia a excelencia e a profesionalidade. Representacións de todas elas, pertencentes a 34 concellos das comarcas de Vigo, Pontevedra, O Salnés, O Morrazo, Val Miñor, Baixo Miño e do Condado-Paradanta, desfilaron polo escenario da Gala no Auditorio Mar de Vigo para recoller as súas distincións.

A cerimonia foi conducida ao máis puro estilo cinematográfico pola actriz Deborah Vukusic e o actor Carlos Blanco e contou coas actuacións de Rosa Cedrón e “Media Punta”

Deborah Vukusic e Carlos Blanco

A III Gala de Turismo Rías Baixas foi conducida pola parella formada pola actriz Deborah Vukusic e polo actor Carlos Blanco que, seguindo co estilo cinematográfico de toda a gala, apostaron polo humor ao longo do evento ao que asistiron as forzas vivas da cidade, lideradas polo alcalde de Vigo, Abel Caballero. Alcaldes e alcaldesas doutros puntos da provincia tamén pasaron polo photocall e pola alfombra vermella, así como representantes do sector turístico co presidente do Cluster de Galicia ou a Directora de Paradores. Tamén asistiron representantes do mundo cultural, social, empresarial, artístico e político, amais de integrantes do Corpo Consular na cidade, amais de Estrelas Michelín como Amaranta e Javier Olleros de Culler de Pau. A cerimonia contou coas actuacións musicais de Rosa Cedrón e do Grupo de Danza “Media Punta”, que encandilaron ao público asistente coas súas interpretacións.

- Publicidade -

ÚLTIMA REVISTA

+ VISTOS

SÍGUENOS

39FansGóstame
274SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies