Nigrán ofrece o documental galego ‘A viaxe de Ruth’ baseado no periplo da fotógrafa americana Ruth Matilda Anderson por Galicia

O Concello de Nigrán ofrece este venres ás 19:00 horas no Auditorio Municipal a proxección do documental galego ‘A viaxe de Ruth’, dos directores Jaime Pardo e Xosé Reigosa, que estarán presentes para un coloquio posterior cos asistentes.

A proxección, que se encadra na programación do Concello polo ‘Mes da Muller’, coincide precisamente coa presenza no Auditorio Municipal ata o 31 de marzo da exposición ‘Unha mirada de antano. Fotografías de Ruth Matilda Anderson’. A fotógrafa tomou durante a súa estancia en Galicia unhas 5.500 imaxes, dunha gran calidade, o que a xuízo de moitos entendidos, non ten parangón con ningún traballo da época.

O Auditorio Municipal acolle ata o 31 de marzo a exposición fotográfica ‘Unha mirada de antano. Fotografías de Ruth Matilda Anderson’

O documental, de 52 minutos e estreado en Lugo en septembro de 2018, narra as viaxes a Galicia da fotógrafa americana  Ruth  Matilda Anderson entre 1924 e 1926 por encargo da  Hispanic  Society  of  America, concretamente, na primeira delas desembarca en Vigo acompañada do seu pai, Alfred Theodore, tamén fotógrafo.  O traballo trata de rememorar esta viaxe, case 100 anos despois, facendo que un fotógrafo galego, Xosé Reigosa (co-director), percorra algúns dos máis importantes escenarios que ela retratou, tratando onde sexa posible de realizar unha toma similar e comprobando canto cambiou Galicia desde aqueles anos a hoxe. Á parte disto, entrevistan a distintas personalidades do campo da cultura que amplían o coñecemento sobre Ruth Matilda e sobre a Galicia daqueles anos. Tamén se realizan recreacións dos momentos da viaxe coa  Asociacion veciñal Liga  Santaballesa de Vilalba e a aula de Teatro do Concello de Sarria.

‘A viaxe de Ruth’ obtivo o primeiro premio ao mellor documental na Semana Internacional do Cine de Autor en Lugo no 2018, sendo este o único certame ao que, polo momento, se presentou e este é a primeira vez que se proxecta fora da provincia de Lugo.

Please follow and like us:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies