Portugal quere realizar unha cume de cooperación empresarial con Galicia

O Ministro Adxunto e da Economía, Pedro Siza Vieira, afirmou que o Goberno ten a intención de promover a realización, aínda en 2019, dunha cume institucional entre o norte de Portugal e Galicia.

En Lisboa, despois dunha reunión coa Secretaria de Estado do Turismo, Ana Mendes Godinho, o vicepresidente da Xunta da Galicia, Alfonso Rueda, e o conselleiro de Cultura e Turismo, Román Rodríguez, onde foron tratados diversos asuntos tendo en conta a relación fronteiriza entre a Galicia e o norte de Portugal, Siza Vieira destacou a intención futura. «Un cume institucional de cooperación empresarial sobre temas como a Industria 4.0, a promoción externa da actividade económica das dúas rexións e cuestións que teñen a ver coa complementaridade entre os dous sectores económicos», describiu o Ministro.

Pedro Siza Vieira subliñou que a intensidade de acordos comerciais e da actividade industrial entre o norte de Portugal e Galicia «é moi significativa e ten moito valor para ambas as rexións», xustificándose entón a realización dun cume de cooperación empresarial.

O Ministro destacou as «relacións históricas moi intensas» entre as dúas rexións e engadiu que tamén foron abordadas na reunión formas de potenciar as relacións e acordos comerciais para beneficio «da poboación de ambos os lados da fronteira».

«Hai un tema moi evidente que xa nos xuntou, que é o Camiño de Santiago. A Xunta ten as ganas de potenciar o camiño portugués e Portugal aprobou recentemente un decreto-lei sobre a certificación dos camiños de Santiago e de Fátima», destacou.

Please follow and like us:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies