·Publicidade ·spot_img
InicioVal MiñorBaionaEscolares de vinte centros da área de Vigo aprenden a sementar froitas...

Escolares de vinte centros da área de Vigo aprenden a sementar froitas e hortalizas cos carriños de cultivos da Xunta

Escolares de vinte centros da área de Vigo aprenden a sementar froitas e hortalizas cos carriños de cultivos da XuntaEscolares de vinte centros da área de Vigo aprenden a sementar froitas e hortalizas cos carriños de cultivos da Xunta

A delegada territorial da Xunta de Galicia en Vigo, Marta Fernández-Tapias, achegouse hoxe ata o CEIP Plurilingüe Ría de Vigo, un dos 107 centros escolares de Galicia que recibiron estes días un carriño de cultivo no marco do programa de consumo de froitas e hortalizas nas escolas.

Segundo indicou a delegada, na área territorial de Vigo foron 20 os colexios beneficiados con estes equipos de plantación: 9 en Vigo (CEIP Ría de Vigo, Illas Cíes, San Salvador, Coutada, Emilia Pardo Bazán, Párroco Don Camilo e Escultor Acuña e os CPR Alba e Monterrey); 3 en Baiona (CEIP Fontes Baíña e Belesar e o CPI Cova Terreña); 2 en Gondomar (o CRA Antía Cal e o CEIP Serra de Vincios); 2 en Mos (CEIP Pena de Francia e o CPR Lar); e o CEIP A Rúa en Cangas, o CPR Ángel de la Guardia en Nigrán, o CEIP Outeiro das Penas en Redondela e o CEP Carlos Casares en Salvaterra.

Tal e como informou, os cativos aprenderán a plantar as súas propias froitas e verduras, que logo poderán consumir a maiores das que reciben mediante este programa. En concreto, no carriño que se lles entrega vai un regador, pa, anciño, substrato e sementes de froitas e verduras.

Esta iniciativa complementa o programa galego de consumo de leite e froita nas escolas, ao que a Xunta leva destinado case 6 millóns de euros nos últimos catro anos, cunha media por curso de 121.213 nenos e 471 centros beneficiarios das reparticións de froita, e de 39.615 alumnos e 218 escolas no caso do leite. No presente curso 2021/2022, Galicia ten un orzamento de 537.889,78 euros para o leite e de 703.518,17 euros para a froita (1.241.407,95 euros en total).

Canto ao volume de produto, á espera de que se concrete o correspondente ao presente curso, dende o 2017/2018 distribuíronse nos colexios galegos máis de 469 toneladas de froitas (as máis consumidas son o plátano, a mazá e a mandarina) e case 906.000 litros de leite.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies