·Publicidade ·spot_img
InicioPontevedra e áreaO SalnésA Xunta asina un convenio de colaboración coa Asociación Esperanza Salnés para...

A Xunta asina un convenio de colaboración coa Asociación Esperanza Salnés para o desenvolvemento de programas terapéuticos para nenos con discapacidade física ou intelectual

 A Xunta asina un convenio de colaboración coa Asociación Esperanza Salnés A Xunta de Galicia, a través da Vicepresidencia primeira e Consellería de Presidencia, Xustiza e Turismo, vén de asinar un convenio de colaboración coa Asociación Esperanza Salnés para o desenvolvemento de actividades e programas de intervención terapéutica destinados á atención de nenos con discapacidade física ou intelectual da bisbarra arousana.

O delegado territorial da Xunta en Pontevedra, Luis López, presentou e informou deste acordo esta mesma tarde nunha visita á sede da entidade, emprazada no Concello de Cambados, xunto ao seu presidente, Augusto Chaves. En virtude do mesmo, o Goberno galego reportará 15.000 euros ao colectivo para a execución desta iniciativa ao longo de todo o presente ano.

Esperanza Salnés está a levar a cabo, dende hai tempo, diversos programas de atención terapéutica especializada e individualizada nas distintas áreas de actuación ás persoas da comarca con calquera tipo de minusvalía de idades comprendidas entre os 2 e os 18 anos, tanto escolarizadas como aquelas que non poden incorporarse aos cursos lectivos ordinarios por mor das súas patoloxías.

“Esta asociación fai un labor fundamental na bisbarra do Salnés, mellorando a calidade de vida e favorecendo a integración plena, especialmente nos ámbitos educativo e socio-familiar, de decenas de beneficiarios, polo que é máis que merecida a colaboración da Xunta, que vai estar apoiando sempre este importante traballo social”, explicou o representante autonómico, que coñeceu as instalacións e o desenvolvemento dos programas terapéuticos da entidade.

Deste xeito, a Xunta permite, coa súa achega, que Esperanza Salnés poida levar a cabo actividades de interese xeral, tanto no termo de Cambados como no resto da bisbarra do Salnés, en base ao seu obxecto social, centrado na promoción de actividades asistenciais a nenos con discapacidade de calquera tipo, como física, intelectual, sensorial ou cerebral.

“En moitas ocasións as asociacións non poderían desenvolver os seus fins, coa conseguinte mellora da calidade de vida e do interese xeral do seu municipio ou ámbito de actuación, sen a axuda da administración pública, xa que os seus recursos soen ser limitados, pero a Xunta sempre está disposta a colaborar, como neste caso, para solucionar situacións complexas e prestar servizos aos cidadáns, especialmente no eido social”, explicou Luis López, que agradeceu “o esforzo, traballo, implicación e profesionalidade” de Esperanza Salnés e do seu equipo de traballo.

Finalmente, o delegado territorial explicou que o convenio recolle que o Goberno galego poderá instrumentar esta colaboración a través de pagamentos parciais por adiantado de ata o 80% da subvención, sempre a petición da entidade en caso de que non poida adiantar fondos para o desenvolvemento destes programas.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies