Inicio O Condado Clubs de toda Galicia competiron no IV Torneo Internacional Sub-2200 Xadrez Ponteareas

Clubs de toda Galicia competiron no IV Torneo Internacional Sub-2200 Xadrez Ponteareas

Clubs de toda Galicia competiron no IV Torneo Internacional Sub-2200 Xadrez PonteareasO pasado fin de semana disputouse nas instalacións do I.E.S. do Barral, o IV Torneo Internacional Sub-2200 Xadrez Ponteareas “I Gran Premio ÓPTICA MAHEN”. No torneo participaron 42 xogadores, procedentes de clubs de toda Galicia.

A organización foi do Club Escola Municipal de Xadrez de Ponteareas, contando coa colaboración e patrocinio da firma comercial ÓPTICA MAHEN, o Club Deportivo O BARRAL, o I.E.S. do Barral e o Concello de Ponteareas.

Xogáronse 5 partidas con emparellamentos polo Sistema Suízo. Os resultados deste evento computan para o ranking oficial da Federación Internacional de Xadrez (FIDE) e os árbitros da competición foron Juana Martínez e Natalia Outerelo.

O podio de vencedores foi o seguinte:

CATEGORÍA XERAL: Campión: Belarmino García Camiña (Club Xadrez Alekhine de Vigo). Sub-Campión: Sergio Diniz López (Club Xadrez Narón). 3º Clasificado: Fabio Represas Novoa (Club Xadrez Ramiro Sabell Ponteareas).

CATEGORÍAS ESPECIAIS: 1º Clasificado Cat. Sub-1800: Javier do Valle Crespo (Club Xadrez Mos) 1º Clasificado Cat. Sub-1400: Xosé Manuel Vidal Bouzó (Club Xadrez Marín) 1º Clasificado Cat. sen Elo: Andrea Pauleczki (Club Xadrez Ramiro Sabell Ponteareas) 1º Clasificado Cat. Veterano: Modesto Vicente Rodríguez (Club Xadrez Marcote) 1ª Muller Clasificada: Mónica Moreira Pantaleón (Club Xadrez Mos) 1º Clasificado Cat. Sub-16: Adrián Carpinteiro Muñoz (Club Escola Mun. de Xadrez de Ponteareas) 1º Clasificado Cat. Sub-14: Alexandre Rodríguez Vieito (Club Xadrez Mos) 1º Clasificado Cat. Sub-12: Óscar Fernández Sanjuan(Club Xadrez Mos) 1º Clasificado Cat. Sub-10: Diego Ibáñez Cruces (Club Xadrez Lucena de Vigo) 1º Clasificado Cat. Sub-8: María Alonso Moyano (Club Xadrez Vila de Bouzas)

No acto de clausura do torneo acompañaron á Directiva do Club, o Concelleiro de Mocidade Miguel Bouzó e o Director do I.E.S. do Barral Álvaro Groba. Concedéronse trofeos aos 3 primeiros clasificados e ás categorías especiais (idade, ELO, etc). Os tres primeiros recibiron tamén un lote de agasallos do Club organizador e da Empresa ÓPTICA MAHEN. Sorteouse tamén un agasallo entre todos os participantes. A organización do torneo agradece a todos os xogadores a súa presenza e emprázaos a participar no V Torneo Int. Sub-2200 “II Gran Premio ACLUDI” que se celebrará os días 14 e 15 de decembro deste ano.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies