Inicio Pontevedra Amtega concédelle á Aula CEMIT a declaración de aula de referencia

Amtega concédelle á Aula CEMIT a declaración de aula de referencia

A Axencia para a Modernización Tecnolóxica de Galicia (AMTEGA) declarou aula de referencia a Aula CEMIT da Deputación de Pontevedra, unha designación que recoñece o traballo desenvolvido nestes últimos anos nas súas instalacións.

A AMTEGA considera aulas de referencia aquelas nas que o nivel de actividade, no ano inmediatamente anterior, en actuacións de alfabetización e/ou inclusión dixital sexa igual ou superior a un 50% respecto do total da actividade desenvolvida na dita aula, ou ben aquelas aulas nas que o nivel de actividade, no ano inmediatamente anterior, en actuacións de alfabetización e/ou inclusión dixital estea comprendido entre o 10% e o 50% respecto do total da actividade desenvolvida na dita aula, sempre que o número de usuarios da aula represente unha porcentaxe superior a un 2 % sobre a poboación total do concello respectivo.

 As Aulas existentes en Galicia teñen a finalidade de conseguir a alfabetización dixital e a inclusión tecnolóxica dos seus habitantes. 

As aulas de referencia contarán con axuda adicional para establecer un programa anual específico de actuacións destinadas á inclusión dixital que impulse a participación dos axentes sociais e empresariais do concello onde ten a sede e que fomente a participación dos seus habitantes como voluntariado dixital no Plan de Inclusión Dixital de Galicia. En concreto para 2017 a Aula CEMIT da Deputación deberá dar resposta ás necesidades identificadas nos ámbitos de alfabetización e capacitación, en particular actividades para dotar a poboación de coñecementos e capacidades dixitais. Así mesmo, desenvolverá actuacións que permitan impulsar e fomentar a participación e colaboración de ONGs, asociacións empresariais, entidade de voluntariado, etc, no desenvolvemento de actividades de inclusión dixital.

- Publicidade -

ÚLTIMA REVISTA

+ VISTOS

SÍGUENOS

680FansGóstame
290SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies