Inicio Val Miñor Baiona A Xunta e o Concello de Baiona asinan o acordo para crear...

A Xunta e o Concello de Baiona asinan o acordo para crear unha bolsa de vivendas sociais cos inmobles desocupados deste municipio e destinalos a familias en dificultades

a-xunta-e-o-concello-de-baiona-asinan-o-acordo-para-crear-unha-bolsa-de-vivendas-sociais-cos-inmobles-desocupados-deste-municipio-e-destinalos-a-familias-en-dificultades

O obxectivo deste programa, pioneiro en España, é crear unha bolsa de vivendas baleiras para alugueiro social cos inmobles de organismos ou particulares que non se atopen habitadas, coa colaboración dos municipios

A conselleira de Infraestruturas e Vivenda, Ethel Vázquez, e o alcalde de Baiona, Ángel Rodal, asinaron hoxe o acordo que supón a posta en marcha do Programa de Vivendas Baleiras neste municipio coa fin de crear unha bolsa de vivendas sociais cos inmobles desocupados do concello e destinalos a familias en dificultades.

O Concello de Baiona sitúase hoxe entre os primeiros municipios da provincia de Pontevedra –xunto con Redondela, Gondomar e Ponteareas- que se suman a esta iniciativa da Xunta. A día de hoxe son xa 26 os municipios de Galicia que forman parte do programa.

comillasAs vivendas que se incorporan a este programa estarán dobremente aseguradas pola Xunta, que xa contratou dous tipos de seguros: un multirrisco do fogar e un de garantía de cobro da renda, con asistencia e defensa xurídica

O obxectivo deste programa pioneiro e novidoso en España é crear unha bolsa de vivendas baleiras para alugueiro social, incorporando as vivendas de organismos, particulares e empresas que non se atopen habitadas contando, para isto, coa colaboración das Administracións locais.

Este convenio fixa un prezo máximo da renda do aluguer –de 300 euros -, e a contía virá determinada polas características da propia vivenda e polas circunstancias particulares dos beneficiarios.

A conselleira destacou a importancia de que o alugueiro resulte de interese, tanto para o arrendador como para o arrendatario: que ao propietario lle compense incorporar a vivenda baleira a este programa pola renda que vai recibir e que o beneficiario pague un alugueiro asequible que é compatible, ademais, con outras axudas que poida percibir, tanto do Concello, como da Xunta.

comillasFixo fincapé na necesidade de que outros concellos como Vigo, onde se rexistra maior número de desafiuzamentos e de familias que precisan dun fogar, se sumen a esta iniciativa do Goberno galego

As vivendas que se incorporan a este programa estarán dobremente aseguradas pola Xunta, que xa contratou dous tipos de seguros: un multirrisco do fogar e un de garantía de cobro da renda, con asistencia e defensa xurídica, para dar seguridade e tranquilidade aos arrendatarios.

Con estes seguros que financia a Xunta o propietario ve como o piso que cede en alugueiro para axudar ás familias está totalmente asegurado. Tamén se evitarían problemas como os que teñen traslado distintos colectivos sociais, polas dificultades de atopar propietarios dispostos a alugar un piso a familias en dificultades.

Sumar esforzos

A titular de Vivenda subliñou a relevancia de que o resto dos municipios da área de Vigo sigan o exemplo de Baiona e dos outros 3 concellos da área que xa teñen asinado este convenio. Neste sentido, precisou que nas grandes cidades, como Vigo, é onde se rexistra un maior número de desafiuzamentos e de familias que precisan dun fogar.

A conselleira indicou que celebraría que o Concello de Vigo se dispuxese a asinar canto antes a súa incorporación ao Programa de Vivendas Baleiras da Xunta; o que sería unha boa nova para os veciños desta cidade pero, sobre todo, para as familias que están a pasar dificultades.

Cómpre lembrar que a Valedora do Pobo recomendoulle ao citado municipio avaliar a conveniencia de sumarse a este programa da Xunta e o Parlamento demandoulle as actuacións necesarias para adherirse á medida.

Vázquez fixo fincapé en que cómpre ofrecer solucións reais a familias que teñen problemas reais en materia de vivenda. Para iso, o Goberno galego está a impulsar 12 medidas que a Valedora do Pobo, no seu informe de 2015, recoñece “significativamente máis ambiciosas que os doutras comunidades autónomas”.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies