O director xerente da Fundación para o Intercambio entre Yiwu e España, Xu Chuchu, mantivo esta mañá unha reunión coa Delegada Teresa Pedrosa para analizar as posibilidades comerciais entre Galicia e a rexión chinesa de Yiwu e coñecer as vantaxes que ofrece a Zona Franca viguesa para a importación de produtos do xigante asiático.
O obxectivo principal desta visita, na que tamén estiveron presentes a secretaria executiva da Fundación e a directora comercial e de internacionalización de Zona Franca, foi presentar ao Consorcio esta fundación que desde hai dous anos opera en Madrid e que está vinculada á promoción do chamado ‘tren da Ruta da Seda‘. Este tren realiza a conexión entre entre Yiwu e Madrid levando produtos de China a España e na súa viaxe de retorno, levando tamén produtos españois ao mercado de Yiwu, e desde aí a todas as partes de China. Durante 17 días, a liña máis longa do mundo percorre máis de trece mil quilómetros. Desde que o tren parte de Yiwu, cidade comercial situada a 300 km ao sur de Shangái, a liña atravesa China, Kazajistán, Rusia, Bielorrusia, Polonia, Alemaña, Francia e finalmente España, ata chegar ao seu capital. En comparación, levar mercadorías por unha ruta marítima tardaría seis semanas e o mesmo viaxe por estrada supoñería case o triplo de emisións de CO2.
“Penso que a Comunidade de Galicia, especialmente a cidade de Vigo, pola súa situación xeográfica e o desenvolvemento que presenta, podería ser unha cidade ideal para facer intercambios económicos con Yiwu” declarou Xu Chuchu quen tamén dixo que a súa cidade, unha das máis ricas de China, está especialmente interesada en compoñentes de automoción. Pedrosa, quen xa coñeceu ao presidente desta fundación durante a celebración da pasada edición do Salón da Loxística de Barcelona, explicou á delegación chinesa as posibilidades de investimento que ofrece a comarca de Vigo e as vantaxes de operar cos seus produtos a través dos almacéns loxísticos da Zona Franca de Bouzas así como as posibilidades de conexión ferroviaria que se abren na plataforma de Salvaterra- As Neves.
