Inicio Val Miñor Nigrán Servizo de Normalización Lingüística de Nigrán, recupera para este Nadal a figura...

Servizo de Normalización Lingüística de Nigrán, recupera para este Nadal a figura mitolóxica do “Apalpador”

servizo-de-normalizacion-linguistica-de-nigran-recupera-para-este-nadal-a-figura-mitoloxica-do-apalpador

A actividade, organizada dende o Servizo de Normalización Lingüística do Concello, pretende promocionar entre os máis pequenos a cultura galega e ampliar o léxico propio do Nadal

O Concello de Nigrán, a través do recén creado Servizo de Normalización Lingüística, recupera para este Nadal a figura mitolóxica do “Apalpador” mediante un certame de cartas dirixido aos escolares de Infantil e Primaria do municipio. O obxectivo é promocionar a cultura galega e o noso idioma, xa que consiste en propoñer palabras en galego relacionadas con esta época do ano. O prazo para participar arranca este luns e finaliza o 20 de decembro, debendo os interesados depositar a súa carta no buzón habilitado para tal fin en cada centro educativo, na Casa do Concello ou na Biblioteca Municipal. Á volta das vacacións entregaranse os premios (un por categoría) e o Apalpador responderá a tódolos participantes entregándolles ademáis un pequeno agasallo.

O “Apalpador” e unha figura lendaria do interior de Galicia, trátase dun home de pelo vermello que durante todo o ano traballa de carboeiro e que, durante o Nadal, cando chega a noitiña, vai polas casas apalpando as barriguiñas dos nenos para ver se comeron ben durante todo o ano. Aos que teñen o bandullo cheo, por seren bos comedores entregalles un agasallo. Nesta ocasión, o Apalpador advirte de que tamén vai apalpar a cabeza dos nenos de Nigrán para saber cantas palabras coñecen en galego relacionadas co Nadal, porque ten a impresión de que son moi poucas. Por iso invita aos rapaces a que lle escriban unha carta na que recompilen estas verbas, podendo facer debuxos para ensinarlle mellor o significado.

As bases do certame son as seguintes:

1-Só se pode presentar unha carta por persoa

2- Terán que estar escritas en lingua galega

3-Valorárase tanto o texto como as ilustración que acompañen.

4- Estableceranse catro categorías:

– Educación Infantil

– Primeiro e Segundo de Primaria

– Terceiro e cuarto de Primaria

– Quinto e sexto de Primaria

5- As cartas depositaranse nas caixas do correo do Apalpador, que estarán nos colexios, na Casa do Concello e na Biblioteca.

6- O apalpador contestará a tódalas cartas que participen no concurso, polo que os datos deben estar moi claros: nome e apelidos, curso e colexio e enderezo e teléfono de contacto.

7-Haberá un premio por cada categoría e enviarase á volta de vacacións

8- O xurado estará formado polo Apalpador e por tres persoas do Concello que axudarán a tomar esta decisión.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies