Inicio Pontevedra A Xunta achega 200.000 euros ao Consorcio do Casco Vello de Vigo...

A Xunta achega 200.000 euros ao Consorcio do Casco Vello de Vigo para adquisición de edificios do Berbés para a súa rehabilitación

un-paso-mais-na-rehabilitacion-do-casco-vello-de-vigo

Máis de 2,6 millóns de euros investirá o consorcio no vindeiro exercicio en adquisición e rehabilitación nesta zona da cidade

A Xunta de Galicia realizou unha achega extraordinaria de 200.000 euros ao Consorcio Casco Vello de Vigo que se destinará á adquirir inmobles no Berbés para a súa posterior rehabilitación. Pola súa parte, o Concello de Vigo deberá realizar unha aportación que lle corresponde en función da presenza de cada un dos organismos no capital social do consorcio, que corresponde nun 90 por cento á Consellería de Infraestruturas e Vivenda e no 10 por cento restante ao concello.

Asemade, o orzamento do IGVS para 2017 contempla unha nova achega, tamén de 200.000 euros, no ano próximo.

A achega extraordinaria permitirá ao Consorcio Casco Vello de Vigo intensificar as súas actuación na rehabilitación de dito casco vello, prevendo destinar no ano próximo máis de 402.000 euros á adquisición de novas edificacións na zona do Berbés, así como actuacións de rehabilitación en once edificacións xa adquiridas, parte das cales quedarán rematadas en 2017. En total, o Consorcio Casco Vello de Vigo investirá o ano próximo en rehabilitación e adquisición de novas edificacións máis de 2,6 millóns de euros.

As actuacións do consorcio en 2017 centraranse na Ribeira do Berbés e rúas Ferrería, Cruz Verde, Hortas, Subida ao Castelo e Subida á Costa.

Dende a súa constitución, o consorcio leva rehabilitadas 99 vivendas e 27 locais comerciais no ámbito do casco vello de Vigo e, actualmente, traballa na rehabilitación doutras 11 vivendas e 3 locais comerciais.

- Publicidade -

ÚLTIMA REVISTA

+ VISTOS

SÍGUENOS

680FansGóstame
289SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies