spot_img
InicioBaixo MiñoA GuardaA restauración arqueolóxica do barrio de Mergelina centra a próxima Barferencia da...

A restauración arqueolóxica do barrio de Mergelina centra a próxima Barferencia da Guarda

Este venres día 1 de febreiro de 2019 terá lugar a segunda Barferencia do ano na Guarda, en concreto falarase sobre «Barrio de Mergelina, un modelo de restauración arqueolóxica» a cargo de Luis Francisco López González.

Esta é a cuarta Barferencia do ciclo 2018-19 e terá lugar ás 20:30h no bar O Couto de Camposancos, onde os asistentes coñecerán como foron as novas actuacións realizadas, grazas a colaboración da Deputación de Pontevedra, no Castro de Santa Trega. Estas actuacións enmarcáronse no protocolo asinado co Ministerio de Fomento para a posta en valor dos xacementos galaico-romanos da provincia. A institución provincial promoveu as tarefas de restauración e consolidación no barrio Mergelina do xacemento de Santa Trega, unhas actuacións que se prolongaron ao longo de 5 meses sobre unha superficie total de 2.642 metros cadrados no barrio Mergelina do xacemento de Santa Trega, para a que se contou cun orzamento de 367.719 euros.

A restauración e consolidación do xacemento guardés foi executada por Terra Arqueos baixo a coordinación de Rafael Rodríguez, o arqueólogo da Deputación que dirixiu a intervención realizada no Trega entre setembro de 2015 e abril de 2016.

Durante a fase de escavación do barrio Mergelina constatouse que o castro foi ocupado antes do que se pensaba, desde o século IV a.C. Tamén sacouse á luz 43 novas estruturas arquitectónicas que compoñen 11 unidades familiares e ata 43.833 pezas, que formarán parte do vindeiro proxecto de musealización.

As Barferencias continuarán o 15 de marzo na Cafetería Marbella cunha charla sobre “Castelo de Santa Cruz: 350 anos do fin da Guerra da Restauración na Guarda”, a cargo de Rebeca Blanco Rotea.

- Publicidade -spot_img