Inicio Pontevedra A primeira edición do programa “En Ruta coa Depo 2016" oferta 18.346...

A primeira edición do programa “En Ruta coa Depo 2016″ oferta 18.346 prazas destinadas a entidades sociais da provincia

ruta_depo

A Deputación de Pontevedra aprobou hoxe as bases reguladoras da primeira edición do programa “En ruta coa Depo 2016” e a adxudicación mediante procedemento aberto da xestión, desenvolvemento e execución do mesmo.  O programa, cun orzamento de 238.500 € ofertará 18.346 prazas a entidades sociais da provincia para que poidan pasar un día de convivencia realizando unha ruta, incluíndo xantar e transporte,  pola provincia de Pontevedra acompañadas dun guía habilitado especializado en Galicia.

“En ruta coa Depo” pretende crear espazos de unión e convivencia para as diferentes entidades participantes, promovendo a igualdade de acceso ós recursos, especialmente a aquelas persoas con diversidade funcional, así como actividades alternativas de ocio e de tempo de lecer para a xuventude, promovendo o asociacionismo xuvenil, o ocio dinámico e saudable e impulsando a conciliación familiar e laboral durante as fins de semana ou estancias estivais.

A Institución Provincial ofertará este programa a través de Viajes El Corte Inglés, a empresa con maior puntuación no concurso de adxudicación para o desenvolvemento e execución de  “En ruta coa Depo 2016”, que será responsable da súa execución, coordinación e avaliación e que disporá de persoal especializado, con atención ao público vía telefónica para calquera dúbida que puidese xurdir. A empresa ofertará un mínimo de 18 rutas por lugares emblemáticos da provincia de Pontevedra.

As entidades solicitantes poderán pedir un mínimo dun autocar e un máximo de dous, co fin de dar conta a todas as solicitudes, e escoller por orde de preferencia tres rutas, das que se lles concederá unha.

O prazo de inscrición no programa será de 20 días naturais contados a partir do día seguinte ó da publicación da convocatoria no BOPPO. As interesadas e interesados deberán presentar a solicitude no rexistro xeral da Deputación ou en calquera das oficinas de rexistro da institución provincial. O programa será outorgado atendendo á orde de rexistro de entrada das solicitudes e atendendo ás entidades sociais inscritas no Rexistro Único de Entidades Prestadoras de Servizos Sociaias e, en segundo lugar, ás non inscritas no citado rexistro.

 

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies