A ONG Axuda ao Mundo Necesitado cumpre 25 anos coma referente en Baiona
Cada vez son menos os veciños que cando se lles pregunta qué é Axuda ao Mundo Necesitado, non respondan dicindo que se trata dunha ONG local. Unha organización que comezou a súa andaina fai 25 anos con Juani Alonso á fronte e con sede na praza de abastos desta vila mariñeira.
Para celebrar este especial aniversario e mostrarlle o agradecemento de Baiona polo seu labor á fronte da entidade durante todos estos anos, Angel Rodal, como alcalde e Mª Carmen Paredes, concelleira de Servizos Sociais e Benestar, reuníronse con Juani Alonso, presidenta da ONG baionesa
Juani, como é coñecida por todo é Baiona, acudiu á cita como moitas outras veces acode a reunións ao consistorio, pero esta vez agardáballe unha sorpresa. Rodal e Paredes non a citaron para un encontro común ou para liquidar algún problema, senón para entregarlle un pequeno obsequio en recoñecemento do encomiable labor que esta baionesa iniciou en novembro de 1993, fai agora un cuarto de século.
O rexedor destacou o importante labor que a entidade vén desenvolvendo de forma ininterrompida no municipio: “Os concellos poden axudar á cidadanía, pero ás veces non poden chegar onde quixesen, e é aí onde chegan as entidades como a ONG “Axuda ao mundo necesitado”, que é un exemplo para seguir”.
Rodal, tamén tivo palabras para a súa presidenta: “A dedicación incondicional ao labor altruísta que ejemplifica Juani é digna de admiración, de gran recoñecemento e de gratitude. Durante vinte e cinco anos foron moitas persoas as que han recibida axuda das súas mans, moitas familias, moitos quilos de alimentos, moitas pezas de vestir, de calzado, xoguetes e sobre todo moito agarimo, é o que se atoparon todas aquelas persoas que chamaron á porta da ONG de Baiona “Axuda ao mundo Necesitado”.
Pola súa banda a concelleira comentou que: “Todo proxecto de axuda comunitaria empeza na conxunción de dous factores, a voluntariedad de quen ofrece, a necesidade de quen demanda, e este mes, despois de 25 anos, esa persoa que tomo conciencia dunha realidade ante a que non podía permanecer impasible, aí segue, coa mesma ilusión, deixando moitas veces aparcada a súa vida persoal por deixar espazo a cubrir as necesidades de miles de familias que acudiron a ela a propósito de que como di ela ”eu non podo deixar a esta familia sen comer”. Traballos, esforzos e ilusións que hoxe queremos recoñecer poñendo en valor a dedicación de alguén que este mes cumpre as vodas de prata “casada” coa axuda ao próximo”.
Juana Alonso xunto cun grupo de voluntarios, algún dos cales xa non están, comezaron a colaborar co Concello no ano 1993 en actuacións de diversa índole, pero sempre co labor social de pano de fondo. Como froito deste traballo conxunto naceu a ONG “Axuda ao mundo necesitado de Baiona”, ofrecendo axuda fóra das nosas fronteiras a lugares como Matanzas (Cuba), o Sahara, Bosnia ou Perú, entre outras. Unha das súas primeiras accións foi remitir un envío a Bosnia, o país estaba en pleno conflito bélico, de botas, mantas e demais aveños nun proxecto que lle chamaron “Calor e agarimo”, a recollida de doazóns por aquel entón facíase onde está actualmente Cásaa Museo da Navegación, cale Ventura Misa, 17. A primeira de toda unha serie de actuacións coas que a presidenta e a entidade foise facendo un oco no recoñecemento do municipio, aínda que logrou máis peso cando en 2002, e tras o afundimento do Prestige, participou en primeira liña de axuda proporcionando comida quente aos voluntarios que se achegaron ás costas de Baiona para traballar na recollida de fuel. A crise económica cambiou os obxectivos de “Axuda ao mundo necesitado”.
Comezaron atendendo sobre todo inmigrantes e xente de paso, pero a dura recesión propiciou que cada vez fosen máis os veciños e veciñas de Baiona que necesitaban axuda. Na actualidade, tanto Juani como o resto do grupo de voluntarios, dez en total, ocúpanse da organización participando en iniciativas de axuda constantes. Un importante número de familias reciben comida, roupa e xoguetes desta entidade sen ánimo de lucro. A entidade non traballa con diñeiro senón con cousas materiais. A repartición e recollida teñen lugar todos os mércores en horario de 09:00 h a 12:00 h, na terceira planta da praza de abastos de Baiona.
Juani Alonso, agradeceu o detalle do consistorio e o recoñecemento á entidade. Aproveitou a ocasión para agradecer o gran apoio á ONG de todos os veciños e veciñas: “Desde a ONG queremos agradecer ao pobo de Baiona que se envorcaron tanto connosco. A todas e cada unha das persoas que ao longo destes vinte e cinco anos prestáronnos a súa axuda dalgunha maneira ou outra. Somos un granito, pero xuntos puidemos facer e temos que seguir facendo un celeiro para que os máis desfavorecidos teñan oportunidades e poden desenvolver a súa vida”.
“A mellor maneira de conmemorar este vinte e cinco aniversario é seguir traballando para todo aquel que o necesita”, finaliza Alonso.
Esta baionesa é exemplo de traballo silencioso e de entrega aos demais. No ano 2013 a súa dedicación absoluta e o seu labor altruísta foi recoñecido pola Comisión de Honras e Distincións do Concello de Baiona, que lle outorgou o lazo de honra, unha das súas maiores distincións.
