O Museo de Arte Conyemporáneo de Vigo inaugurou onte a mostra “O antropomófico, 1986-2022” do artista cambadés que poderá visitarse ata o 16 de outubro na planta baixa do Museo
A inauguración da exposición contou coa presenza, do alcalde de Vigo, Abel Caballero, do comisario da mostra e director do MARCO, Miguel Fernández-Cid e o edil de Cultura, Abel Losada. O rexedor manifestou que quere manter a exposición do artista cambadés “o máximo tempo posible na cidade” e que “Vigo, e particularmente o MARCO, un lugar onde o desenvolvemento cultural é un camiño de exploración permanente nas novas formas de entender o arte”.
A mostra non é unha retrospectiva da súa obra, como explica o comisario da exposición, Miguel Fernández – Cid, aínda que presenta pezas de hai 3 décadas ata obras realizadas especificamente para esta exhibición
Esta exposición céntrase nun dos eixos da produción artística de Leiro: o antropomórfico. Sen afán cronolóxico, móstranse pezas xa realizadas entre 1986 e hoxe, ademais de obras de nova creación, específicas para a mostra.
Para a composición, artista e comisario trazaron un diálogo entre a obra e os peculiares espazos da planta baixa do edificio. Leiro, con especial sensibilidade para iso, preparou obras coas que responder o reto do lugar
Esta é a primeira vez que Leiro expón na cidade, fóra do percorrido das galerías de arte privadas. A liña da exposición conflúe no panóptico do Museo, onde se atopa vista desde todas as perspectivas a impoñente presenza da Dama de Navalcarnero
Podemos atopar maquetas, colaxes e esculturas de granito, bronce e madeira de Leiro, obras integradas na arquitectura do MARCO. “O antropomórfico” reúne unha ampla selección de esculturas nas que Francisco Leiro outorga calidades ou trazos humanos a animais ou cousas, das súas pezas menos narrativas.
Leiro é o autor da obra escultórica do Sireno na Porta do Sol
Francisco Leiro
Está considerado como un dos artistas máis representativos do panorama artístico actual.
O escultor Francisco Leiro, elixido académico de Belas Artes
Nacido en 1957 en Cambados, Pontevedra, na actualidade vive e traballa entre Nova York, Madrid e Galicia.
GALERÍA DE IMAXES DA EXPOSICIÓN
