·Publicidade ·
mobipark
mobipark
InicioO CondadoAs NevesA ‘Feira do Requeixo e do mel’ das Neves aposta este ano...

A ‘Feira do Requeixo e do mel’ das Neves aposta este ano por un formato ‘virtual’

A ‘Feira do Requeixo e do mel’ das Neves aposta este ano por un formato ‘virtual’Este ano, a ‘Feira do Requeixo e do Mel’ das Neves, non será ‘presencial’. Ainda que os datos da evolución da pandemia sinalan una satisfactoria evolución no concello, no que non hai casos activos dende hai máis dun mes, o Goberno municipal tomou a decisión de non colocar os tradicionais postos na Praza Maior e apostar por unha edición ‘en liña’, que terá máis duración no tempo.

Concurso de receitas do Requeixo das Neves para ‘bloggers’

Deste xeito, dase inicio a unha serie de accións e actividades arredor do requeixo que se desenvolverán durante o 2021, así ao longo do mes de abril realizarase un ‘Concurso virtual’ de receitas do Requeixo das Neves para Bloggers de España e norte de Portugal.

O concurso presentarase o venres de Semana Santa, que é o día habitual da Feira e estará aberto á participación ata final de mes. O xurado estará composto por catro persoas do ámbito profesional da gastronomía.

Vídeos con sete grandes chefs galegos

Para a promoción da Feira, e do requeixo e o mel e das Neves , realizaranse vídeos con sete chefs galegos: Iñaki Bretal (do restaurante ‘Eirado da leña’); Marco Varela (de Casal de Arman); Miguel Mosteiro ‘Gastrolab); Ángel Martínez e Víctor Otero (‘A Xanela Gastronómica’); Óscar Vidal (‘O Pazo’); Adrián Albino (‘Niño Corvo’) e Begoña Vázquez (‘O Souto das Candeas’).

‘Book’ fotográfico

Entre outras cousas, tamén ao longo deste ano dende o Concello se promoverá a creación dun book fotográfico de requeixo no que participarán chefs que formaron parte das actividades da Feira do Requeixo e Mel nos últimos anos (pregóns, showcookings, etc.).

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies