Inicio Pontevedra A Deputación de Pontevedra lanza a campaña 'Viaxa mañá' en apoio ao...

A Deputación de Pontevedra lanza a campaña ‘Viaxa mañá’ en apoio ao sector turístico

Preto de 50 voluntarios recollerán información sobre os usos do medio mariño e as aves mergulladoras das Illas Atlánticas
Praia das illas cies dende o miradoiro

Trátase dunha ambiciosa aposta nacional e internacional na que se apela a aprazar a viaxe ás Rías Baixas onde agardan infinidade de recursos “dos que estamos coidando para que poidan desfrutar mañá,  xunto a un sector unido que está a facer un grande esforzo para dar resposta a este reto”

O goberno de Carmela Silva vén de lanzar hoxe unha ambiciosa campaña nacional e internacional “Viaxa mañá”, un audiovisual que pon en valor os recursos da provincia de Pontevedra e o esforzo que está a facer o sector turístico ante a pandemia e que, nestes momentos de confinamento nos que todas e todos temos que quedarnos na casa, en Pontevedra Provincia “tanto o sector privado como as administracións estamos a traballar para que poidan vir mañá e se atopen con todo o que esperan”.

Trátase dunha aposta “emocional e desde a necesidade dos afectos”, que se fai  a través dun audiovisual que recolle, en liña cos argumentos da Organización Mundial do Turismo, o chamamento á solidariedade e responsabilidade das persoas para que apracen á desexada viaxe ás Rías Baixas, onde agardan numerosos recursos turísticos “dos que estamos a coidar”,  xunto a un sector turístico unido “que está a facer un grande esforzo para dar resposta a este reto”, tal e como se detalla na peza de vídeo.

O audiovisual, en galego, castelán e inglés, percorre espazos turísticos da provincia de Pontevedra baixo os parámetros de sustentabilidade, natureza, cultura, os valores da Axenda 2030 e a calidade, poñendo en valor o sector, o seu compromiso, sacrificio e  esforzo que está facendo para afrontar esta situación e estar preparados para cando a crise sanitaria remate.  Deste xeito, a peza presenta diferentes recursos dunha provincia de Pontevedra que “te espera”, e cun sector turístico que está a traballar para que “poidas volver o antes posible. Ímolo celebrar como nunca, porque estamos máis unidas e unidos que nunca pese á distancia”.

Ademais desta campaña, a Deputación de Pontevedra ten en marcha numerosas iniciativas para continuar impulsando a calidade do destino e dinamizando o sector turístico.

Así, en canto á calidade, estase a impulsar un plan de formación online do Sistema Integral de Calidade Turística en Destinos (SICTED) no que, en poucas horas dende a apertura do prazo de inscrición, xa están anotadas máis dun centenar de empresas que están a participar este ano no Plan de Calidade da institución provincial.

No que respecta á dinamización do sector están en marcha dúas accións a través de redes sociais e das webs www.depo.gal e www.turismoriasbiaxas.gal. que están a encontrar unha enorme receptividade por parte da cidadanía.

O mellor exemplo está a ser #21Days21Destinations que difunde e comparte os recursos turísticos da provincia cun grande impacto. Así, están a participar nesta acción numerosos bloggers. Nas redes, nas primeiras 48 horas da campaña, alcanzáronse preto de 470.000 persoas, cun impacto potencial de 1,7 millóns, 3.800 impresións e 325 retuits.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies